Immikkoortoq 2/8
Qupperneq 1/5: Attaveqarnermut teoriimik tunngaviusumik paasinninneq – ilisimasalittut sulinissinni tunngavissi.Attaveqarnermut teoriimik tunngaviusumik paasinninneq – ilisimasalittut sulinissinni tunngavissi.
Piginnaasat ineriartortitassat:
- Attaveqarnermut teoriip meeqqat inuusuttullu tarnikkut peqqissusaannut, ineriartornerannut kiisalu ilinniarnerannut isumaanik paasinninneq.
- ”Paasisassarsiornermi pissusilersuutit” pillugu aamma ”Toqqissimanartumik Tunngaveqarnissamik” ujartuineq pillugu ilisimasat, taakkulu qanoq tapersersorneqassanersut.
Immikkoortumi sammisaq:
Immikkoortumi matumani attaveqarnermut teorii pillugu taassumalu toqqissisimanartumik inersimasunut atassuteqarnerup kiisalu paasisassarsiorsinnaanermut, ilikkagaqarsinnaanermut aamma inoqatinut peqataasinnaanermut atassuteqarnera pillugu paasinninneranik suliaqassaasi. Teoriimik paasinninnersi pillugu qanoq toqqissisimasumik atassuteqarneq meeqqanut tamanut qanoq pingaaruteqartiginersoq suleriusissassinni tunngaviusumik eqqarsaataavoq:
- Attaveqarnermik sulinersi, meeqqanik inuusuttunillu sullissinermi attaveqarnersi toqqissisimatitsisoq, kiisalu ilikkagaqarnissamut piareersimassutsip sulinermi qanoq siuarsarneqarsinnaanera. ”Ilikkagaqarnermik” paasineqassaaq inooqataanermi, nalinginnaasumik kiisalu atuarfimmi piginnaasanik ilinniarneq.
Immikkoortumik anguniagaq:
- Immikkoortumik matuminnga siunertaavoq attaveqarnermut teoriip paasinissaa, peqataasut sulinerat ineriartortinniarlugu kiisalu meeqqat inuusuttullu ineriartornissaat qulakkeerniarlugu. Pingaaruteqarpoq paasissallugu meeqqat nalinginnaasumik ineriartornerat kiisalu meeqqat inuusuttullu pissusilersuutiminni ajornartorsiutaat ukiuni pingasuni inuuffiini siullerni pitsaasumik imaluunniit pitsaanngitsumik isumassorneqarsimanerannik aalajangerneqartarmat. Immikkoortup takutippaa siusissukkut ineriartornermi kingusissukkut inooqataanermi pissusilersuutinut kiisalu atuartuunermi inersimasunngulernermilu ineriartornermut sunniutai.
- Kingorna suliarissavarsi qanoq meeqqanik eqimattanik toqqissisimasunik suliassanullu soqutigisaqartunik pilersitsisoqarsinnaanersoq. Siullermilli meeqqat ataasiakkaat ineriartornerat takoqqaartigu.
Ilinniarnermi immikkoortoq 2 tunngaviusumik ilisimasanik, isumassuisut tamarmik ilisimasariaqagaannik tunniussivoq.
Ilitsersuisup saqqummiutissavai oqaatsit Toqqissisimasumik Tunngaveqarneq, Attaveqarnermi pissusilersuutit aamma Paasisassarsiornermi pissusilersuutit.