Ataatsimiinneq 4/10

Meeqqanik inuusuttunillu isumassuineq ulluinnarni qanoq sulissutigineqartarpa

Piginnaasat ineriartortinneqartussat:

• Isumassuinermik pissusilersuutit assigiinngitsut sisamaasut suleriaaseralugit
• Suliassanik suliaqarneq attuumassuteqarfigisanullu sulissuteqarneq oqimaaqatigiissumik suleriaaseralugit
• Meeqqat inuusuttullu inuttut namminneq timikkut tarnikkullu inissaqartitaallutik toqqissisimasumik aallaveqarnermik misigisimanerat nukittorsarlugu
• Killissat inissisimaffiillu, ulluinnarni aaqqiagiinngissutinik pitsaaliuisut annikillisitsisartullu sulissutigalugit

Ataatsimiinnermi qulequtaq:

Ataatsimiinnermi matumani meeqqat inuusuttulluunniit pinnguarnissamut, ilikkagaqarnissamut inooqataasutullu piginnaasaminnik ineriartortitsinissamut naammaginartumik toqqissimalernissaannut isumassuinermik pissusilersuutit toqqissimanartut qanoq sulissutigineqartarnersut kiisalu isumassuisut ulluinnarni inooqatigiinnermi qanoq iliuuseqartassanersut sulissutigissavarput. Inunnik allanik peqateqarsinnaaneq piginnaasaavoq inuuneq naallugu atorneqartussaq ajunngitsumik ingerlasinnaassagaanni.

Taamaattumik angajoqqaarsiatut pingaaruteqarpoq meeqqamut inuusuttumullu toqqissisimasumik isumassuinissaq, nalunagulu ulluinnarni toqqissisimalersitsiniarluni qanoq isummersortoqassanersoq. Ullut aalajangersimasumik ingerlaaseqalersinnissaat, suliassaqarfiusarnissaat sinaakkuteqartilernissaallu pingaaruteqarpoq, taakkunatigut meeqqat inuusuttullu ineriartornissamut inissaqartitaalissammata uippakajaaratik qaangerlugu toqqissisimalerlutillu.

Ataatsimiinnermi anguniakkat

• Suliassanik attuumassuteqarfigisanillu sammisaqarneq ataatsimoortillugit, tassalu angerlarsimaffimmi ulluinnarni suliassat, kiisalu meeqqat allanik peqateqarlutik iliuuseqaqatigiissinnaanerat sungiusarlugu.
• Isumassuinermi pissusilersuutit toqqissimanartut, meeqqanik inuusuttunillu suleqatigiilersitsisartut kiisalu inuunermik nuannarinnilersitsisartut ilissi angajoqqaarsiatut ilisimassagisi.
• Ulluinnarni ulapaarfiusumi ullut aalajangersimasumik ingerlaaseqarnissaat sinaakkuteqarnissaallu ilissi angajoqqaarsiatut sulissutigissagisi.