Select Page

Ataatsimiinneq 5/9

Qupperneq 1/7: Annaasaqarnermi qisuariaatit tatiginninnermut suleqatigiinnermullu mumisinnerat

Annaasaqarnermi qisuariaatit tatiginninnermut suleqatigiinnermullu mumisinnerat

Piginnaasat ineriartortinneqartussat:

• Annaasaqarneq avissaartitaanerlu pillugit ammasumik oqaloqatigiinnissamut sungiusaatit.

• Qanoq ilillusi ilissi nammineq inuunissinnit misilittakkasi avissaartitaaneq pillugu oqaluttuanut, meeqqanut ikiuutaanissamut atorsinnaanerisi.

• Meeqqat inuusuttullu namminneq misigissutsitik ajornartorsiutitillu artornartut annaasaqarnermi pissusissamisoortumik qisuaariaataanerisa paasitinnissaannut qanoq meqqat ikiorsinnaavigisigit.

• Sammisat, meeqqat annaasaqarnermik misigisimasaasa qanoq iliuuseqarfigisinnaasaat qanoq pilersaarusiorneqartarnersut.

Ataatsimiinnerup qulequtaa:
Ilinniartitsilluni ataatsimiinnermi matumani meeqqat angajoqqaaminnik annaasaqarnerminnik qaanginissamut, angajoqqaatik qimallugit inuunissamut, kiisalu pisimasunik allanik toqqissisimajunnaartitsillutillu inersimasumik tatiginnikkunnaarsitsisunik artornartumik annaasaqarnermut, imaluunniit tassanngaannartumik annaasaqarnermut tunngasunik, meeqqamik toqqissisimajunnaartitsillutillu inersimasunut tatiginnikkunnaarsitsisunik qaangiinissaannut qanoq ikiorsinnaanerigut ataatsimiinnermi matumani sulissutigissavarput.

Ataatsimiinnerup siunertai:
Ataatsimiinnermi matumani annaasaqarnermi qisuariaatit pillugit meeqqanik inuusuttunillu ammasumik oqaloqateqarneq sungiusassavarput. Oqaloqatigiinnerit qanoq pilersissinnaanerisi siunnersuuteqartoqassaaq, tamatumani annaasaqarnerit meeqqanut qanoq sunniuteqartarnersut, annaasaqarnerit qanoq qaangerneqarsinnaanersut, qanorlu nukittoriartuaartoqarsinnaanersoq meerarsiassi ilissinnit ilikkarsinnaassallugu.