Ataatsimiinneq 2/10

Sulinissamut pilersaarut:

Tullianik ataatsimiilersigata angerlatsimaffitsinni qanoq iliorniarpugut

Attaveqaateqarfiginninnermut tunngatillugu ilisimasat tunngavisumik isummat aallaavigikkit: qanoq ililluni isumassuisutut toqqissisimasumik aallaaveqarnermut pissusilersuutit takutinneqartarnersut. Ilissi ilaqutariit paarsisartutut toqqissisimasumik allaaveqarnermik pissusilersuuteqartarneq meeqqanut ingerlateqqissinnaanerissi pilersaarusiorsiuk. Qanoq ilillusi meeqqamut toqqissisimasumik aallaaveqarnermik pilersitsisinnaanersi, meeqqanilu stresseqartarneq ersissuteqarnerlu annikillisinnaanerlugit qanoq iliorsinnaanersi eqqarsaatigisiuk, taamaasilluni meeqqat paasisassarsiorsinnaanerulerlutik, pinnguarsinnaanerulerlutik aamma ilikkagaqarsinnaanerulissammata.

Siunnersuutit marlussuit tulliupput, sammisarli ataasiinnaq toqqarsinnaavarsi. Meeqqat pisariaqartitsisillugit meeqqanik tapersersuisinnaanersi aalajangiisuuvoq (assersuutigalugu ikaarsaariarfinni ulluinnarnilu inuunermi nikittoqartillugu) aamma meeqqat tungaannut pissarsiariuminartuunissassi ammasuunissassilu sulissutiginissaa aalajangiisuuvoq. Tamakku eqqarsaatigisigit namminerlu ulluinnarni suleriaatsisi oqaluuserisigit. Arlaannik pitsannguisoqarsinnaava ulluinnarni meeqqanik sullissinissinni meeqqat peqatigalugit iliuusererusutassinnik, maannami attuumassuteqarnerup paasissassarsiorusutsillu pingaarutaat ilikkareerassigit?

Arlaannik ullut tamaasa iliuuserineqarsinnaasutut piviusorsiortumik pilersaarusiorit – immaqa nalunaaquttap akunnerata affaannaani iliuuserineqarsinnaasumik:

• Pisumi qanoq ittumi meeqqat ataasiakkaat avissaartitaanissamut annilaanganerpaasarpat, taamaasillutillu ilissi toqqissisimasumik aallaavittut atorfissaqartillusi (isumassuineq, illersuineq, akuersaarneqarneq)?
• Atuariartorneq/ meeqqeriviliarneq: ulluinnarni aninermut atatillugu inuulluaqqusinermut ileqqoqarpisi? Pineqartumi matumani arlaat pitsanngortinneqarsinnaava?
• Piffissaq siniffigisassaq: Meeqqap /inuusuttup eqqissinissani /sinilernissani ajornartorsiutigaa? Innartitsinermut / unnukkut sunik ileqqoqarpisi?
• Ulluinnarni oqaloqatigiinneq: Meeqqanut ukioqqortunerusunut inuusuttuaqqanullu ullut tamaasa ”ataatsimeeqatigiilaarnerit” (ilinniagassat kingorna unnukkut nerinerup nalaani) aaqqissuunneqarsinnaapput, taakkunani inersimasut meerarlu ulloq pillugu oqaluttuaqatigiissinnaallutik, eqqarsaatigisallu – nuannaarutit ernumassutillu tusaaniarsinnaallugit.
• Toqqissisimalersitsinissamut tullissaanut qanoq sulissuteqarsinnaanissinnut nammineq isumassarsiaateqarpisi? Ilissi tassaavusi meeqqamik ilisimannittut, tamaattumik ilissi nalunnginnerpaavarsi meeraq paarisarsi toqqissisimanerulersinniarlugu qanoq iliortoqarsinnaanersoq.

Pilersaarutissi imarisaa inissereeriarpat: Qaqugukkut tamassi ataasiakkaarlusi pilersaarummik piviusunngortitsisinnaanersi ilitsersuisumut oqaloqatigiissutigisiuk, qaqugukkut ulluinnarni suleriaatsissinnut tulluarneruppat? Qanoq ilillusi allattuisassavisi / qanoq iliorsimanersi eqqaamaniassavisiuk, aamma qanoq ingerlava kiisalu meeqqat / inuusuttut qanoq qisuariaateqarpat?

Eqqaamajuk: Meeqqat paarisassi toqqissisimalernissaat sulissutigigaangassiuk, tamatuma ingerlaannaq sunniuteqartarnissaa naatsorsuutigissanngilarsi – meeqqap toqqissisimalersinniarnera sivisoorujussuuvoq, meeqqap inuunini artornartumik aallartissimagaangagu.

Qujanaq soqutiginnikkassi aamma tullianik ataatsimiinnissatta tungaanut sulinissinnik iluatitsilluarisi!