Immikkoortoq 5/8
Qupperneq 1/8: Meeqqat inuusuttullu ataatsimut akisussaaffeqarnermut suleqatigiissinnaanermullu sungiusarneratMeeqqat inuusuttullu ataatsimut akisussaaffeqarnermut suleqatigiissinnaanermullu sungiusarnerat
Piginnaasat ineriartortinneqartussat:
Ilinniartitsisut isumassuisullu qanoq ilillutik siunertaqartumik meeqqat inuusuttullu suleqatigiissinnaanermut sungiusarnissaat pillugu teoriimik paasinninneq.
- Ilaatitsineq:
- Meeqqat inuusuttullu klassimi eqimattaniluunniit akuerisaasutut misigitinnissaat.
- Aqutsineq
- Aqutsinermit aalajangeeqataanermut isumaqatiginninniarnermullu.
- Tatigeqatigiinneq:
- Silaannarmik kikkut tamarmik ammasumik oqaloqatigiiffigisinnaasaannik kiisalu ataatsimut suliassanik aallussiffigisinnaasaannik pilersitsineq.
Immikkoortumi sammisaq:
Sullissisutut unammillernartuuvoq meeqqat inuusuttullu kalaallit ataatsimut peqatigiitsissinnaanissaat kiisalu ulluinnarni sinaakkutinik malittarisassanillu paasitinnissaat. Tunngavii ilisimasaallu assigiinngitsorujussuupput:
Meeqqat ilaat sumiginnagaasarput imaluunniit atornerlugaanikuullutik, inersimasunullu tatiginnissuseqaratik. Allat angerlarsimaffimmit imaluunniit nunaqarfimmit nammineerfiginikuusaminnit takkukkaangamik malittarisassanik, piffissamik sinaakkutinillu malinnittussanngoriasaaraangamik nalornilertarput. Suliassat tungaatigut aamma kinguussaaqqasinnaapput.
Amerlasuut artornartumik annaasaqarnikuupput inersimasullu taarseraannerannik amerlavallaanik misigisaqarnikuullutik. Ilaat inersimasunut tatiginnittarput ingerlaannarlu ilikkagaqarusulertarlutik imaluunniit sammisassaqartitsinerni peqataarusulertarlutik. Inernerukkajuttarpoq kikkut tamarmik toqqissisimannginnerat, akerleriittoqalernera, arlaannaalluunniit aallussisisinnaanngilaq, ilinniartitsineq suliaqarnerlu iluatsinngilaq.
Isumassuisut ilinniartitsisullu amerlasuut ajunngitsumik isumaqarlutik aggeraangamik, meeqqanut inuusuttunullu toqqissisimanngitsunut iserlutik tupattarput.
Immikkoortumi matumani unammilligassap suliarinissaanut alloriarnernik pingasunik ilusiliamik tunineqassaasi:
Qanoq ililluta meeqqat inuusuttullu – taama assigiinngitsigisunik tunngavillit – imminnut inersimasunillu suleqateqarnissaannut ilinniartissinnaavagut?
Immikkoortumi anguniagaq:
Suliassanik aallutarinnissinnaaneq suleqatigiinnerlu siuarsarniarlugit peqataasut iliuusissanik iluaqutaasunik tuninissaat. Eqimattakkaarluni ineriartoqatigiinnermi immikkoortuni alloriarnikkaartumik sulineq.