Ataatsimiinneq B/10

Ilaqutariit paarsisartut suleqatigisartagaat

Piginnaasat ineriartortinneqartussat:

Allanut meeqqamut akisussaasunut attaveqarfigisartakkanik pilersitsineq: inunnut siunnersorti paarisarilerlugu inissiinermut akisussaasoq, meeraaqqerivimmi, meeqqerivimmi atuarfimmilu sulisut. Kiisalu inuit allat pingaaruteqartut meerarsiamik ulluinnarni isumaginnittartut.

Ataatsimiinnermi qulequtaq:
Ataatsimiinnermi matumani ilaqutariit attaveqarfigisartagaasa qanoq nukittorsarneqarsinnaanerannut pilersaarusiorneq sulisutigissavarsi, taamaasilluni meerarsiarsi ulluinnarni pitsaanerpaamik isumassorneqassammat ilikkariartugaqarlunilu. Isumaqatigiissutini pingaarnerpaaq tassaavoq paarisaqarneq pillugu inunnut siunnersortimut isumaqatigiissutit. Allanilli inunnik pingaaruteqartoqarpoq, taakku ulluinnarni sulinissinni tapersersorsinnaammassi.

Ataatsimiinnermi anguniakkat:
Ilissi sulisitsisussi (oqartussat aamma ilaqutariinnik siunnersortit/supervisioneqartitsisartut) ilissinnik qanoq inissisimatitsinerisa paasinissaat, kiisalu meeqqap inuusuttulluunniit inuunerani isumassuisunik pingaaruteqartunik allanik suleqateqalernissat ataatsimiinnermi matumani anguniagaavoq.

Danmarkimi ilaqutariit paarsisartut misilittagaat pillugit apeqqutissaqarussi, Danmarkimi Plejefamiliernes Landsforeningip Facebookikkut nittartagaani tamanna allassinnaavarsi: https://bit.ly/2RpwG6n

Nunani tamalaani qanoq pisoqarnera malinnaaffigerusukkussiuk, tamanna IFCO-mi takusinnaavarsi (International Foster Care Organization) www.ifco.info