Immikkoortoq 1/8
Qupperneq 3/5: Sammisaq: Angajoqqaat sulisullu naatsorsuutaat, kiisalu meeqqat inuusuttullu attaveqarnermut kiisalu avissaarnernut artornartunut qisuariaataat – Tamanna pillugu sulisoqatigiinni qanoq ilisimasaqarpugut? Sulinitsinni ilisimasat taakku qanoq atorsinnaavagut?Sammisaq: Naatsorsuutit, attaveqarneq avissaarnerillu – Tamanna pillugu sulisoqatigiinni nammineq inuunerisatsinnit qanoq ilisimasaqarpugut? Sulinitsinni ilisimasat taakku qanoq atorsinnaavagut?
Meeqqat inuusuttullu illuatungeriinnik naatsorsuutigineqarnernik misigisaqartut, imaluunniit inersimasunut sungiusimasanut qanittumik pisarialimmik attaveqanngitsut, akornanni pissusilersuutsikkut ajornartorsiutit takuneqarsinnaakkajuttarput (ass. inoqatinit tunuartarput, kajumissuseq aamma siunertarisaqarneq annaasarpaat, kammasertarput, tusarnaartaratik, aserorterisarlutik, akerliusarlutik imaluunniit soqutigisaqanngitsuullutik.) Tassa kiserlioramik, nanertisimagamik, kamakkamik kiisalu imminnut naleqartinnerat imminnullu tatiginerat annikimmat. Taamaasilluni kajumissusaat kiisalu ilikkarusussusaat tammariartortarpoq.
Pissuseq tamanna taamaallaat paasineqarsinnaavoq allanngortinneqarsinnaallunilu, meeqqat naatsorsuutinut illuatungeriinnut kiisalu inersimasumut toqqissisimasumik attaveqarsinnaanermik amigaateqarnermut qanoq qisuariartarnerat ilisimagaanni. Taakku toqqissisimannginnermi qisuariaatit nalinginnaalluinnartut arlalitsigut tusaajumannginnertut, eqiasuttuunertut imaluunniit naalanngisaartuunertut paasineqartarput, tassani tatiginninnginneq akerliliinikkut upperinninnginnikkullu takutinneqartarmat.
Meeqqat inuusuttullu pissusilersuutaat kajumissusaallu paasiniarlugu marlukkaarlusi paasiniarsinnaavarsi, peqataasut ataasiakkaat tamarmik alliartornermi inersimasunut naatsorsuuteqartarnerit attaveqartarnerillu qanoq misigisarsimanerisi, kiisalu qanoq avissaarnerit artornartut iliuuseqarfigisarsimanerisi.
Inooqataanermi ineriartornerup kiisalu ilikkarsinnaassutsip akornanni ataqatigiinnermut nammineq ilisimasassi takutissinnaavaat inersimasut taarseraannerat, annaasaqarnermik misigisat kiisalu naatsorsuutigineqarnerit meeqqanut inuusuttunullu qanoq sunniuteqartiginersut.