Immikkoortoq 1/8
Qupperneq 4/5: Nammineq inuunitsinnik suut nalunngilagut inersimasunit naatsorsuutigineqartunit, avissaarnernit inersimasullu taarseraannerannit qanoq ineriartornerput sunnerneqarsimanersoq?Pissutsit, inooqataanermut ineriartortitsinermut ilikkagaqarnissamullu oqimaalutaasut pillugit inuunitsinniik nammineq qanoq ilisimasaqarpugut?
MARLUKKAARLUNI APERSUUNNEQ
2×20 minutter
Sungiusarnermi matumani marlukkaarlusi immissinnut apersoqquneqarpusi.
Apersuinerup siunertaraa paasiniassallugu meeqqanut piumasaqaatit taakku ilissi qanoq misigisimanerisi, soorunami aamma ilissi nammineerlusi alliartornissinni avissaarnernut kiisalu taarseraannernut qanoq qisuariarsimanersusi. Tamatuma kingorna oqallisigisinnaavarsi, meeqqat inuusuttullu ajornartorsiutaat paasissallugit ilissi misilittakkasi qanoq atorsinnaanerisi.
Peqataasup aappaata aappani 20 minutsit missaanni apersussavaa. Taava paarlaatissapput, aappaalu apersuissalluni. Naggataatigut ataatsimoornermi aapparisassi akissutai naatsumik saqqummiutissavasi.
Akissutit tusarnaakkit kingornalu aatsaat apeqquteqarlutit.
Inuunermi aallartinnerit:
- Inuugavit angajoqqaatit qanoq inissisimappat – sumi najugaqarpat, qassinik ukioqarpat, qassinik meeraqarpat?
- Inunngornernit atualernissavit tungaanut kiap paaqqutaraatit?
- Avissaarneq artornartoq imaluunniit paarlaanneq siulleq eqqaamasat – angisooq imaluunniit mikisoq? Ass. angerlarsimaffimmit skolehjemimut nuunneq? Nuunnermi ikinngutinik annaasaqarpit?
- Angajoqqaavit kiisalu ilinniartitsisuit/isumassuisuit ilinnut piumasaqaataanni naatsorsuutaannilu annertuumik assigiinngitsoqartoq misigisimaviuk?
- Nuunnernut qanoq qisuariarpit? Assersuutigalugu paatsiveeruppit imaluunniit attaveqaatinnut kamalerpit? Aliasulerpit? Inersimasunut tatiginninnernut qanoq sunniuteqarpa? Piffissap ilaani inuunermut ilikkagaqarusunnermullu kajumissuseeruppit?
- Sumi misigaajuk meeqqat/ inuusuttut illit suliffinni assingusumik qisuariartut – misilillugu assersuuteqarit?
Sulinermi ineriartornerit:
- Suup meeqqanik isumassuinermik/ilinniartitsinermik suliaqarniarlutit aalajangertippaatit?
- Taakku misigisatit sulisutut nammineq pingaartitannik qanoq pilersitsippat – meeqqanik inuusuttunillu sullissininnut atatillugu ilinnut suna pingaaruteqarnerpaava?
EQIMATTAKKAARLUNI OQALLINNEQ
Maanna eqqartorsimasasi saqqummiussigit – matuma ataani aapparisavit isumaliutersuutai, angajoqqaanit atuarfimmiillu naatsorsuutigineqarsimanini assigiinngitsut pillugit qanoq sunnertissimanerluni. Avissaarnerit annaasaqarnerillu qanoq ilikkarsinnaassutsimut sunniuteqarsimanersut, kiisalu taakku qaangernissaannut suna nukissanissutaasimanersoq.
To-fem minutsit inuk ataatsimut, peqataasut amerlassusaat apeqqutaallutik