Ataatsimiinneq 1/10
Qupperneq 4/4: Sulinermut pilersaarut: Ataatsimiinneq tulliuttoq sioqqullugu qanoq iliussaagut?Sulinermut pilersaarut: Ataatsimiinneq tulliuttoq sioqqullugu qanoq iliussaagut?
Meeqqat paarineqartut amerlaqisut ajornartorsiuteqarput inersimasunit pingaaruteqartunit isumassorneqarnissaq amigaatigalugu misigisimagamikku. Meeqqap annaasaqarnermik misigisaqarnera meeqqamut inuuneq naallugu sunniuteqarsinnaavoq, soorlu imminut tatiginnginnermik inuunermillu nuannaaruteqannginnermik kinguneqartumik, kiisalu inersimasunut meeqqanullu atatillugu ajornartorsiutinik nassataqarsinnaasunik, Pingaartumik meeraq inersisimasumut toqqissisimaffigisaminut tamatuminnga oqaloqatiginnissuteqarsimanngikkaangat.
Sulinissamut pilersaarusiami siullermi siunnersuutigaarput meeqqap paarisassi ulluinnarni avissaartoqarnerani qisuariaatigisartagai pisariitsumik oqaatigissagisi:
Isumaa ulluinnarni qanoq ittarpa? Inimit anillakkussi, meeraq uippallertarpa? Annilaangalertussaagaluarluni toqqissisimaffissarsiortussaagaluarlunilu qisuariaateqarneq ajorpa? Kamannermik qisuariaateqartarpa, sumiginnarneqartutullu misigigajuttarpa? Meeraq imminut tatiginngila, aamma pinnguarnissaq ilikkagaqarnissarlu soqutiginngilai? Ikinnguteqarpa?
Tullianik naapeqqikkussi tusarusupparput meeqqami paarisassinni sunik maluginiagaqarsimanersusi. Maluginiakkasi sungiusaammut tunngavigineqassapput, tassuunakkut ilissi kiisalu meeqqat inuusuttullu tarnikkut maanna qanoq issusaannik takutitsissallutik.
Naliliineq (minutsit qulit)
Ulloq ataatsimiiffiusoq nalilersorsiuk, eqimattani naleqquttumik ammasuunissaq angusimanerlugu aallartilluarsimanersilu nalilersorlugit. Pitsaasumik ilikkariartorfiusumik ammaffiusumillu avatangiiseqalernissamut tullianik ataatsimiinnissamut suut immikkut qitiutittariaqarpisigit?
Qujanaq soqutiginnillusi malinnaagassi tullianillu ataatsimiinnissap tungaanut sulinersi iluatsitsiffiulluarili!