Immikkoortoq 2/8

Sulinermut pilersaarut: Immikkoortup tullia sioqqullugu sussaagut?

Attaveqarnermut teoriimit isumassarsiat tunngaviusut aallaavigikkit: isumassuisutut qanoq toqqissisimasumik tunngaviliinermik pissusilersorneq takutinneqarsinnaanersoq.

• Oqallisigisiuk, meeqqat/ inuusuttut sammisassaqartinnerini qanoq ilillusi toqqissisimasumik tunngavimmik pilersitsisinnaanerlusi.
• Ulluinnarni atassuteqarnerni pitsanngoriaataasinnaasunik siunnersuuteqarnissamut kissaatigisaqarpisi, maanna attaveqarnerup, toqqissisimasumik tunngaveqarnermik pilersitsinissap kiisalu misigisassarsiornerup pingaaruteqassusaa ilikkareerassiuk?
• Pisuni suni meeqqat/ inuusuttut ataasiakkaat avissaarnissamut annilaanganerpaasarpat, taamaattumillu toqqissisimasumik tunngaveqarnissamut illit pisariaqartittarlutit (isumassuineq, illersuineq, akuersaarneq)?

Aaku siunnersuutialuit:

Meeqqat inuusuttullu naapinneq imaluunniit atuarneq aallartikkaangassuk: meeqqat/ inuusuttut ataasiakkaarlugit aallartiffigineqarsinnaapput minutsikkaarlugit: ullaaq manna qanoq-ippit, suna eqqarsaatigaajuk? Taavalu suliassamut, sammisassamut imaluunniit eqqartugassamut saatillugu.

• Innarfissaq: Meeqqat/ inuusuttuaqqat eqqissinaveertarpat/ sininnaveertarpat? Unnukkut suut iliuuserisarpisigit? Nalusanngilaat kikkut unnuakkut saaffissaanersut?
• Meeqqat annerit inuusuttuaqqallu pineqartillugit ullormut annikinnerusumik ”ataatsimiittoqartarsinnaavoq” (ilinniakkerereernermi, unnukkorsiornermi), tassani ullup ingerlarnga, eqqarsaataannik – nuannaarutaannik eqqasuutaannillu oqaluttuartillugit.
• Sulinerit iliuutsillu attuumassuteqartut allat assersuutigalugit, imaluunniit pitsanngorsaanissamut siunnersuutit?

Ikinngutinnersumik malugiuk:

Suna allanngortikkusuppisiuk, qaqugukkut aallartissavisi, meeqqanut/ inuusuttunut sunniutai qanoq takorusuppisigit? Suleqatigiikkussi: Aalajangikkasi pillugit sulinermi kina akisussaasuussava, immikkoortullu tulliani naapinnissami qanoq eqiterissavisi?

Eqqaamasiuk ilissi tungissinniit pissusilersuutit allanngorneri ingerlaannartumik inerneqartitsisanngimmata, toqqissisimanermik pilersitsiniarluni attattuarneqassaaq piffissarlu sivisooq uteqattaarneqassalluni!

Pilersaarummi imarisat inissippata, tulliuttut isumaqatigiissutigineqassapput: Qaqugu 
immikkut pilersaarut naammassiniarpisiuk, qaqugukkut pilersaarummi tulluarnerussava? Qanoq 
nalunaarsuisarniarpisi/ iliuutsisi eqqaamasarniarpisigit, qanoq ingerlanersoq, aamma meeqqat/ inuusuttut qanoq qisuariarnersut?

Soqutiginninnissinnut qujanaq tullianimullu sulinissinni ajunngitsunik kissaallusi!