Immikkoortoq 8/8
Qupperneq 2/7: Sooruna sullissisup suliassarigaa annaasaqarneq avissaarnerlu pillugit ammasumik oqaloqatigiissinnaaneq?Sooruna sullissisup suliassarigaa annaasaqarneq avissaarnerlu pillugit ammasumik oqaloqatigiissinnaaneq?
Immikkoortumik matuminnga siunertaanngilaq sullissisup terapeutiunissaa. Kisiannili aliasunnermut avissaarnermullu qisuariaatit, qisuariaatillu taakku pissusilersuutini qanoq takutinneqartarnersut ilisimaneqassapput. Tarnip pissusiinik ilisimasalik ilisimaneqarluartoq Freud soorlu oqarnikoq: “Terapeutit pitsaanerpaat tassaanngillat tarnip pissusiinik ilisimasallit – tassaapput ulluinnarni meeqqanik sullissisut”.
Annaasaqarneq inuunerup ilagaa, namminerminilu ajoqusiisarnani. Ilisimatusarnerulli takutippaa annaasaqarneq oqaloqatigiissutaanngitsoq atassuteqarsinnaassutsimik aallartitsisartoq, misigissutsinullu akornusersuiinnartartoq ilinniarnissamik inooqataanermilu ineriartornissamik killilersuisartoq. Pissusilersuutini ajornartorsiuteqarnikkut, imminut ajoqusertarnikkut takutittarpoq, kiisalu anniaat annikillisinniarlugu inuusuttuunermi pinerlunnermut atornerluinermullu iseqqajaanerulersitsisarluni.
Taamaasilluni annaasaqarnermi artornartumillu avissaarnermi annaasaqarneq imminermini aalajangiisuuneq ajorpoq, kisianni qanoq ingerlariaqqinnissamik ilinniarneq misigissutsinillu eqqissisaaneq, taamaasilluni akuersisinnaaneq, inuunermilu misilittakkatut inuulerneq nutaanillu nukissaninneq.
Meeqqani inuusuttunilu sullitassinni ajornartorsiutit amerlanerpaat pissutigisarpaat annaasaqarnernik misigisanik oqaloqatissaqannginnertik.
Immikkoortoq manna annaasaqarneq pillugu ammanerunissamik qanoq ineriartortitsisinnaanissinnut tunngavoq, taamaasillutik meeqqat inuusuttullu namminneq ajornakusoortitaminnik pitsaasumik paasinnissinnaallutik, kiisalu perorsaanikkut sulinissamut siunnersuutit.
Siullermik nammineq ilisimasasi naleqarluartut takoqqaariartigit, immikkoortullu sinnerani ilisimasat taakku perorsaanermi meeqqanik inuusuttunillu oqaloqatiginninnermi atorneqarsinnaanersut.
ANNAASAQARNEQ NUKITTUNERLU PILLUGIT OQALLINNEQ
APERSUNNEQ MARLUKKAARLUNI, TAMANUT 10 MINUTSIT
Avissaarneq artornartoq, annaasaqarneq imaluunniit piffissami sivisunerusumi angajoqqaanniit avissaaqqaarnerit, ass. skolehjemmimi aallartinneq eqqarsaatigiuk.
-
- Tamanna pimmat qassinik ukioqarpit?
- Qanoq misigissuseqalersippaatit?
- Inersimasunut tatiginninnerit taakkununngalu pissusilersuutinnut qanoq sunniuteqarpa?
- Ikinngutigiinnernut qanoq sunniuteqarpa?
- Ilikkagaqarusussutsinnut atuarninnullu qanoq sunniuteqarpa?
- Isumassuisunik nutaanik naapitsilluni qanorippa – itigartippigit?
- Inersimasut qanoq iliorpat, annaasaqarnermik qaangiinissamut ikiuinerpaasumik?
- Suliffinni meeqqat imaluunniit inuusuttut ilittut qisuariartut sumi takusarpigit?
Maanna takoriartigut meeqqat inuusuttullu nalinginnaasumik annaasaqarnermut nalinginnaasumik qisuariartarnerannut qanoq ilisimatusarneq takutitsinersoq, sulinermilu nammineq inuunissinni misilittakkasi qanoq atorsinnaanerisi: