Ataatsimiinneq 7/10

Inuusuttunngulernermi misigisat – meeraanermiit inuusuttunngulernermut ikaarsaarneq

• Nalinginnaasumik unammilligassat inuusuttuaraanermut atassuteqartut paasinerat – inuusuttumut ilaqutariinnullu attuumassutillit.
• Inuusuttuni eqimattani ineriartornerup pingaaruteqartup paasinissaa.
• Inuusuttunik ammasumik oqaloqateqarnissap pilersaarusiorneranit tamatumalu ingerlanneranut piginnaasat.
• Inuusuttunik suleqateqarnermut taakkununngalu isumaqatigiissuteqarnermut piginnaasat.
• Nammineq inuunermit misilittakkat pillugit oqaluttuat atorsinnaanerannut piginnaasat (oqaluttuat assersuutaalluartut).

Ataatsimiinnermi qulequtaq:

Meeqqap inuusuttuaranngorluni, nammineerusulluni, inuusuttoqatimilu akornanni nammineq kinaassutsinik pilersitsinialerluni ikaarsaariarfia qanoq pitsaanerpaamik tapersersorneqarsinnaasoq ataatsimiinnermi matumani sulissutigissavarsi. Ilaqutariinni paarsisartuni inuusuttuarartalinni nalinginnaasumik ulluinnarisaq qanoq ililluni pissusissamisut ingerlanneqarsinnaanersoq immikkut qitiutinneqassaaq.

Ataatsimiinnermi anguniakkat:
Meerarsiaq inuusuttuaranngoraangat ilaqutariit paarsisartut ulluinnarisaanni qanoq pisoqartarnerata paasineqarnerunissaa, kiisalu meerarsiassi meeqqamiit inersimasumut ikaarsaariarnerani qanoq tapersersorsinnaanerissi ataatsimiinnermi matumani siunertaavoq. Kalaallit inuusuttut amerlaqisut inuusuttuaraanerminni imminerminnut naatsorsuutigisatik paasilluarnialeraangamikkit, aaqqiagiinnginnerit aaqqinneqarsinnaanngitsut misigisarpaat: kinaavunga, inuunermilu sulerissaanga? Aaqqiagiinnginneq tamanna paarsinerit amerlaqisut unitsiinnarneqartarnerannik inuusuttullu atuarnerminnik iluatsitsineq ajornerinik pissutsit pingaarnerpaat ilagaat. Ataatsimiinnermi matumani suli pingasunik anguniagaqartoqarpoq:

• Meerarsiat inuusuttuaranngornissaannut oqaloqatigiinnerit aqqutigalugit piareersarnera.
• Angajoqqaanit nakkutigineqarnerup nammineersinnaatitaanerullu oqimaaqatigiissinneri: nakkutilliineq pinnagu isumaqatigiissuteqarneq.
• Timip ineriartorneranik meeqqat inuusuttuaqqallu ilinniartinneqartarnerat, atoqatigiinneq naartunaveersaarnerlu.