Ataatsimiinneq 7/10

Inuusuttuaraaneq pillugu angajoqqaarsiat nam-minneq ilisimasaannik paasiniaaneq

Meeraq inuusuttuaranngulerlunilu inuusuttuaranngoraangat naatsorsuutigisat unammilligassallu suut malittaasarpat?

Sammisassarsi siulleq taassaavoq inuusuttuaraanissinni unammilligassat pillugit nammineq misilittakkasi pillugit marlukkaarlusi immissinnut apersornissarsi. Tamatuma kingorna inuusuttuaqqat paasinissaannut ulluinnarnilu inuusuttuaqqanik sullissinissamut misilittakkat taakku qanoq atorneqarsinnaanersut oqaloqatigiissutigineqassaaq.

APERSUINEQ: INUUSUTTUARAQ PILLUGU NAMMINEQ INUUSUTTUUNITSINNIT SUUT ILISIMAVAVUT?

MARLUKKAARLUNI APERSUINEQ

20 minutsit

Marlukkaarlusi apersuinissinni tulliuttunik apeqquteqaritsi – angajoqqaarsiap aappaata angajoqqaarsiat appaat minutsini tallimani apersussavaa, kingorna inissisimaffimminnik paarlaatissapput:

1. Illit nammineq meeraanermiit inuusuttuaranngornermut ikaarsaariarneq misigiviuk?
2. Ikinngutinnut atassuteqarninnut tamanna qanoq kinguneqarpat?
3. Peerartaarpit?
4. Inuusuttuaraaninni nikinnernik misigisaqarpit? Soorlu nunaqarfimmiit illoqarfimmut nuullutit, angerlarsimaffimmiit efterskoleriarlutit  il.il.
5. Angajoqqaavit atuarfiullu tungaannit ilinnut piumasaqaatit naatsorsuutigisallu assigiinngeqisut misiginikuuigit?

Illit inuusuttuaraaninni ilinnut suna unammillernarnerpaava, aamma meerarsiat / inuusuttoq misilittakkannit qanoq ikiorneqarsinnaasoraajuk?

EQIMATTAKKUUTAARLUNI OQALLINNEQ

20 minutsit

Angajoqqaarsiatut inuusuttuaqqanik sullissigaanni, isummat pingasut pingaaruteqartut toqqarnissaannut misilittakkasi atorsigit.
Naleqartitaq 1: Inuusuttuarartatta makku atorfissaqartippaat……………………………………………………..
(assersuutigalugu: uagut tungitsinnit ataqqineqarneq paasineqarnerlu, allaat silatusaanngitsumik iliuuseqaraangamik)
Naleqartitaq 2: Inuusuttuarartatta makku atorfissaqartippaat……………………………………………………..
Naleqartitaq 3: Inuusuttuarartatta makku atorfissaqartippaat……………………………………………………..