Ataatsimiinneq A/10
Qupperneq 1/6: Ilaqutariinniit ilaqutariinnut paarsisartunutIlaqutariinniit ilaqutariinnut paarsisartunut
Piginnaasat ineriartortinneqartussat:
- Ilaqutariinni naleqartitat pitsaasut paasiniarnerat.
- Naleqartitat pitsaasut meerarsianik isumassuinerup ineriartortinnissaanut sakkussatut atorneqarsinnaanerat.
- Ilaqutariinni inoqutigiit tamaasa inissisimaffinnut sinaakkutinullu nutaanut piareersarnerat.
- Meeqqat ilaqutariinnik paarsisartunik nutaanik naapitsinerminni qanoq qisuariaateqartarnerisa ilisimaarilernissaat
Meerarsiap ilaqutariinni nutaani toqqissisimalernissaanut ikiornera
Ataatsimiinnermi qulequtaq:
Ataatsimiinneq manna ilaqutariiunermiit ilaqutariinnut paarsisartunut ikaarsaariarnermut tunngasuuvoq, tassaasut meeqqamut inuusuttumulluunniit angajoqqaavisa namminneq isumassorsinnaanngisaanut isumassuiniarlutik toqqaasimasut. Meeqqat inuusuttullu inissinneqartut ilaqutariinnut avatangiisinullu nutaanut pigaangamik qanoq qisuariaateqartarnerat paasissavarsi. Kingorna oqaluuserissavarput meeraq inuusuttorluunniit avatangiisini nutaani, ilissinni ilaqutariinni, toqqissisimalertinniarlugu qanoq ikiorsinnaaneripput. Naggataagullu ilissinni ilaqutariinni nukittuffiit misilittakkallu pigisasi meeqqap ineriartornerata tapersersornissaanut qanoq atorsinnaanerisi pilersaarusiussavarsi.
Ataatsimiinnermi siunertaq:
Ilissi ilaqutariittut inuunissinni naleqartitat nukittuffiillu pigisassi paasiniarnissaat ataatsimiinnermi matumani siunertaavoq, taakku tassaammata pitsaanerpaamik isumassuinissamut tapersersuinissamullu tunngaviusut. Aamma attavigisartakkassinni kikkut ilissi paarsinissinnik tapersersorsinnaaneraasi isiginiassavarsi. Tamatuma saniatigut meeqqat angerlarsimaffiup avataanut inissinneqaraangamik qanoq qisuariaateqartarnerat pillugu ilisimasaqalissaasi, inissinneqarnerullu kingorna piffissami artornartumi siullermi qanoq tapersersorsinnaanerisi ilisimalissallugu.