Ataatsimiinneq A/10
Qupperneq 3/6 A: Attaveqarfigisartakkassi piareersarnerat: paarsisartutut atukkassinni kikkut ikorfartortitut pingaaruteqarnersut paasiniarsiukAttaveqarfigisartakkassi piareersarnerat: paarsisartutut atukkassinni kikkut ikorfartortitut pingaaruteqarnersut paasiniarsiuk
Qanittumi avatangiisissinni inuit meeqqamik naapitsiunnartut, immaqaluunniit meeqqamut pingaaruteqalersinnaasut allattorsigit: tassaasinnaapput sanilisi taakkualu meeraat, ikinngutit ilaquttallu, najukkami meeqqerivik atuarfilluunniit, meeqqap tassaniittarnissaa pilersaarutigisimagussiuk.
Ilaqutariittut paarsisartunngornissassinnik aalajangernersi pillugu inuit taakku qaqugukkulluunniit oqaloqatigineranni oqaluttuussinnaavasi, oqaluttuullugillu qanoq ilillutik ilissinnik meeqqamillu tapersersuisinnaanersut.
Aalajangernissinniit aallaqqaataaniilli annertuumik ammasuunissarsi isertuussaqannginnissarsilu isumassarsiatsialaavoq, aamma sooq tamatuma isumassarsiatsialaaneranik isumaqarnersi pillugu. Meerarsiassi tigunissaa qilanaarigissi takutissiuk isumaqarlusilu paarineqarneq meeqqamut kanngusuutissanngitsoq takutillugu, meeqqamulli angajoqqaavimminik najorneqanngitsumut isumassuineq inooqatigiinnikkut pissusissamisoortumik pisussaaffiusoq.
Inuit oqaloqatigisasi meerarsiaqarnermut apeqqusiippata imaluunniit isummiuteriigaqarlutik, oqallinnermik aallartitsisariaqanngilasi, kisiannili tusarnaarlugit, oqaluttuullugillu paasisinnaallugit meerarlu naapereeriarunikku tamanna allanngorsinnaasoq.
QANITTUMIK AVATANGIISISSINNI INUIT TAPERSERSORTAASUT ALLATTORSIGIT
Allattukkasi qimerloorsigit eqqarsaatigalugulu allattukkassi akornanni kikkut ilaqutariittut paarsisartunngornissassinnut ajunngitsumik isummersimanersut. Taakkunannga inuit ataasiakkaat kikkut ilissinnik siunissami qanoq ikiorsinnaaneraasi immissinnut apeqqutigisiuk. Attaveqatigisartakkanik ilinnik ajunngitsumik isiginnittunik meerarsiassinnillu sullissinissinnik tapersersuisinnaasunik pilersitsinissamut allattukkassi ikiorsinnaavaasi.
Aalajangernissinnut pitsaanngitsumik isiginnittunik imaluunniit meerarsianut isummereersimasunik inoqarpat (”Qanoq aamma meerarsiaqalersinnaavit – tilliffigisalissavaatit!”): taava immissinnut aperigitsi taakku inuit isummiuteriigaat qanoq ilillusi annikillisissinnaanerisi, qanorlu ilillusi inooqatigiinnermi pisartut, ilissinnik meerarsiassinnillu naapitsiffigisartagaat aqqutigalugit ajunnginnerusumik isummertinnissaat sulissutigisinnaanerlugu
ILISSI ILAQUTARIIT PAARSISARTUT NAJUKKAMI ATTAVEQATIGISARTAKKASSINNIK PILERSITSIARTUAARNEQ
Meeqqat inuusuttullu sumiginnagaasimallutik inissinneqarsimasut, ilaqutariit paarsisartut kiisalu ulluinnarni suleqatigisat, aamma meeqqamik inuusuttumilluunniit isumassuisussaasut: ulluunerani paarisartut, meeqqeriviit, atuarfiit kiisalu sunngiffimmi ornittakkat akornanni isumaqatigiinngissuteqalersitsisumik pissusilersuuteqarajuttarput.
Meeqqamik inuusuttumilluunniit ataatsimoorussamik isiginnittaaseqalernissaq siullerpaatut ajornakusoorsinnaavoq. Imaassinnaavoq meeraq inuusuttorluunniit immikkut ittumik ikorfartorneqarnissamik pisariaqartitsisoq, aamma inuussutissarsiutigalugu sulisut siusinnerusukkut naapittarsimasai meeqqanik inuusuttunilluunniit inissinneqarsimasunik annertuumik ajornartorsiuteqartunik siusinnerusukkut naapitsisimanngitsut. Meeqqap inuusuttulluunniit pissusilersuutai assigiinngilluinnarajuttarput, apeqqutaalluni ilaqutariinni paarsisartuni angerlarsimanersoq, imaluunniit soorlu ulluunerani paaqqinnittarfimmiinnersoq – imaassinnaavoq meeraq sumiiffimmi aappaani ingerlalluartartoq aappaanilu sakkortuumik qisuariaateqartarluni.
Ilaqutariit paarsisartut taakkualu attaveqarfigisartagaat ataatsimoorussamik paaseqatiginnilernissamut ineriartortussaapput, aallaqqaataani illuatungeriinnut tamanut artornarajuttartumik. Kikkut tamat tungaanniit isummiussereertoqartalersarpoq: ilaqutariit paarsisartut paatsoorneqartutut misigisimapput, ulluunerani paaqqinnittarfik atuarfilluunniit isumaqarput angajoqqaarsiat meeqqap ajornartorsiutaanik ulapputeqarpallaartut, il.il. Killiffimmi tassani pakatsinerpassuaqaraluartoq artornartoq tassaavoq imminut nikeriarfissaarutinnginnissaq, aaqqiissutinilli ataatsimoorussamillu paaseqatigiinnissaq ujartortuassallugit.
EQIMATTAKKAARLUNI OQALLINNEQ – minutsit 10
- Meerarsiarsi pillugu attaveqatigisartakkassinni ataatsimoorussamik paaseqatigiissitinialerassi eqqarsaatinit sunit tikinneqarpisi?
- Attaveqatigisartakkassinni inuit nukissaqarluartut iliuuseqartinnissaannut eqimattaqatigiinni sunik isumassarsivisi?
- Atuarfimmut, ulluunerani paaqqinniffimmut, meeqqerivimmut aaqqiagiinngissutaasinnaasut qanoq pinngitsoortinneqarsinnaappat?
