Ataatsimiinneq B/10

Quppeneq 4/5 Meeqqat anginerit inuusuttullu isumassuisunik suleqateqarneq: Atuarfik

Meeqqat anginerit inuusuttullu isumassuisunik suleqateqarneq: Atuarfik

MEEQQAP INUUSUTTULLUUNNIIT ILAQUTARIINNI PAARSISARTUNI ILIKKARIAQARTORNERA ILINNIARTITSISUNILLU SULEQATEQARNEQ NUKITTORSARSIGIT ET MED LÆRERNE

Atuarfiup ilinniartitsisuinut perorsaasuinullu, pingaartumillu klasselærerianut pitsaasumik pissuseqalernissaq sulissutigissallugu taamatulli pingaaruteqartigaaq. Inissinneqartummi amerlaqisut atuarnertik naammassiuminaatsittaramikku, tamatumalu siunissamut periarfissaat aserorsinnaavaat. Ilissi klasselærerimik oqaloqateqarnissigut ilaqutariinnilu angerlarsimaffissinni atuarneranik tapersersuinissigut annertuumik iliuuseqarsinnaavusi.

Imaassinnaavoq meerarsiassi aallussinissaq sapersaatigisaraa nutaanillu ilikkagaqarusussuseqanngitsoq takoreersimagissi. Imaassinnaavoq aamma meeqqap inuusuttulluunniit aalajangersimasut pinnguarusuffigisartagai ilikkagaqarfigerusuttagaalu takoreersimagisi?

Meeraq inuusuttorluunniit atualertinnagu taassuma unammilligassai nukittuffiilu takusimasasi pillugit atuarfimmi ilinniartitsisut oqaloqatigisigit. (Pisariaqarpat qarasaasiakkut ataatsimiinneq, Kalaallit Nunaanni atuarfinni atugassiaralugu suliarineqarsimasoq takutissiuk. Meeqqat mikinerminnit sumiginnagaanermik misigisaqarsimasut qanoq atuartinneqarsinnaanerannut tunngasuuvoq. Kalaallisut danskisullu pigineqarpoq)

Danskisooq

https://fairstartfoundation.com/6-undervisning-af-born-og-unge-med-omsorgssvigt/?lang=dagl

Kalaallisut:

https://fairstartfoundation.com/6-undervisning-af-born-og-unge-med-omsorgssvigt-2/?lang=gl

ATUARNERA TAPERSERSORNIARLUGU ILAQUTARIINNI ANGERLARSIMAFFISSINNI QANOQ ILIORSINNAAVISI?

Meeqqat inuusuttullu inissinneqarsimasut atuarnerat inersimasunngorunik periarfissaannut pingaaruteqarpoq. Misissuinerit arlallit takutippaat meeqqat inuusuttullu inissinneqarsimasut atuaqatigimminit inissinneqarsimasuunngitsunit atuarfimmi nalinginnaasumik angusalunnerusartut (Egmont 2017, Vinnerljung mfl., 2014).

Meeqqat inuusuttullu atuarfimmiinnertik meeqqerivimmiinnertillu kisiisa Ilikkagaqarfigisanngilaat. Meeqqap ilikkariartorneranik atuarneranillu ilissi angajoqqaarsiatut angerlarsimaffissinni tapersersuinissarsi aamma pingaaruteqarpoq. Ulluinnarisassinni qanoq iliorsinnaanissinnut qitiutitassat pisariitsut marlussuit siunnersuutaaluillu:

Meeqqap atuarneranik ulluinnarisaanillu soqutiginninnissinnik takutitsigitsi: Ulloq atuarfiusoq, ilinniagassat, qanoq issimanersoq, sulerisimanersut apersuutigisigit. Meeraq sunik uummammioqarnersoq tusaaniassallugu pingaaruteqarpoq. Ilinniagassat qanoq ingerlanersut, aamma ikinngutinut ilinniartitsisunullu pissutsit qanoq innersut itinerusumik oqaluuserinissaat iluaqutissartaqarpoq. Tamatuma meeqqap soqutiginninnera, ilisimasai kiisalu inooqataanikkut piginnaasai nukittorsarsinnaavai.

Piumassuseqarneq: Meeqqap ilikkarusussusia tapersersorsiuk. Meeqqap atuarfimmi suliassaminik kiisalu kammalaatiminut ikinngutiminullu pissutsiminik iluatsitsinissaa pingaaruteqarpoq. Meeqqap inuusuttulluunniit nukittuffii takusinnaasasi meeqqamut inuusuttumulluunniit oqaluttuarisigit. Arlaat pikkoriffigisai soqutigisaaluunniit aamma. Uagut inuit aallaqqaammulli immitsinnut upperigutta piginnaasavullu upperalugit, ilikkagaqarnissamut piumassuseqarnerujussuugajuttarpugut.

Meeqqat mikineraniilli nipituumik atuffattarsigit: Meeqqqanut mikisunut atuffassineq oqaluttuarnerluunniit oqalualaatoqqanillu oqaluttuarneq, anginerulerunik namminneq atuarsinnaalernissaq anneroqisumik piginnaaneqarrfigisarpaat

Naatsorsuutigisat: ilisimatusarnerup meeqqallu inissinneqarsimasut kaammattuutaasa takutippaat, angajoqqaarsiat, ilinniartitsisut perorsaasullu pitsaasunik naatsorsuutigisaqaraangata, meeqqat atuarfimmi angusaat pitsaanerulersartut. Sanngiiffii pinnagit nukittuffiisa taakkununnga oqaloqatigiissutiginissaat sungiusarsiuk. Meeqqap isumassorneqarnerinnaanngitsumik napinneqarnissaa pingaaruteqarpoq. Takutissiuk ilinniagasserinermik suliassanillu allanik naammassinnissinnaanera upperigassiuk. Arlaat ajornakusooraangat meeqqap tunniutinnaannginnissaanut tapersersorsiuk. Meeqqap atuarfimmi suliassaq nalunartoq angusiffigippagu imaluunniit naammassippagu, tamanna malinnaaffigalugu oqaluuserisiuk.

Ilinniagasserinermut suleriaatsit aalajangersimasut: Meeraq atuarfimmi angerlaraangat unikkallartillugu tamusserteqqaalaartarnera imigassinneqartarneralu ileqqutsialaavoq. Tamatuma kingorna ullut tamaasa ilinniagasserineq nuannisaaqatigiinninngortinneqarsinnaavoq. Ilinniartitsisut perorsaasullu meeqqap tunuliaqutaanik pisariaqartitaanillu oqaluttuutikkit.

ILIKKARTITSINIARLUNI SAMMISANUT AALAJANGERSIMASUMIK SIUNNERSUUTIT

Atuarfimmi ilikkagaqartarneq angerlarsimaffimmi ilikkakkanit tamarmiusunit piareersarneqartutullusooq ittarpoq – taamaattumik ilaqutariit paarisartut atuarfittut ipput! Angerlarsimaffissinni ataatsimoorlusi sammisarisartakkassi ilaannut ilikkagaqartarneq ilanngullugu eqqarsaatigisiuk. Assersuutigalugu:

Ilinniagassat ataatsimoorlusi suliarisigit. Imaassinnaavoq suliassat tamaasa paasinngikkisi, taakkuli pillugit apeqquteqartarnissarsi pingaaruteqarpoq
Kisitassanik pisariitsunik suliaqaritsi: orsussamik atuineq naatsorsorsiuk, imaluunniit Brugsenimi niuerniarnermi aningaasat qassit atorneqarsimanersut naatsorsorsiuk,
Meeraq ullorsiutinut allattarnissaanik kaammattorsiui
Illoqarfimmi silarsuarmilu qanoq pisoqarnera oqaluuserisiuk, pisariaqarpat nutaarsiassanik isiginnaaqatigiigitsi oqaluuseralugillu
Atuffassineq: Peqatigiillusi atuakkamik atuaritsi, oqaluuserisiuk (ullormut ½ time atortarsinnaavarsi – atuarneq oqaatsit ineriartornerannut, takorluuisinnaanermut sungiussisinnaassutsimullu, aallussisinnaanermut il.il. iluaqutaavoq)
Pinnguaatinik pinnguarlusi, assersuutigalugu nallukattarlusi, katitertakkanik katiterillusi il.il.
Nipilersorneq erinartornerlu meeqqat atuarfimmi ilikkagaqarsinnaassusianut siuarsaasartoq aamma paasinarsivoq. Ullut tamaasa erinarsortaritsi, nipilersuutit arlaannik atuisunngorsinnaatilersigit, suugaluartumik ulluinnarisassinnut tulluarnerutitassinnik.
Illumi suliassaalunnut, nerisassiornermut il.il. meeraq akuutissiuk. Tamatumani meeqqap tigussaasumik piginnaasat aamma ilikkarsinnaavai, soorlu peqqissaarnissaq aamma sammisaqareeraanni kingorna iluarsaassinissaq.
Assersuut: Nuummi anaanarsiap meeqqat mikineranniit nerriviliornermut nerisassioqataanermullu ilinniartissimavai, meerarsiup ukioqqortunerusup atisani nammineq errortarpai, il.il. Tallimanngornerit tamasa ualikkut sapaatip akunnerata naanerani sapaatillu akunnerata ingerlanerani qanoq pisoqarnissaa pillugu sivikitsumik ataatsimeeqatigisarpai, ulluinnarnilu suliassat akornaminni agguataarnissaannut ikiortarlugit. Meeqqat piginnaasatik, akisussaaffimmillu tigusisinnaanertik tulluusimaarutigaat.

Taakku siunnersuutaaluinnaapput, aamma tamanna ilaqutariissinni oqaluuserisinnaavarsi, ilikkagaqarnissamut sammisanut amerlanerusunik siunneruuteqarsinnaallusi. Piffissap ingerlanerani sammisassat amerlanerusut nassaariunnarsivasi.

Siulia

Tullia