Immmikkoortoq 4/8
Qupperneq 5/5: Sulinissamut pilersaarut: Immikkoortup tullia aallartitsinnagu qanoq iliussaagut?Sulinissamut pilersaarut: Immikkoortup tullia aallartitsinnagu qanoq iliussaagut?
Attaveqarnermik aallussineq annertusarniarlugu sulinissamut pilersaarut
Ulluinnarni pisartumik iliuuserisartakkamilluunniit, attaveqarnermik aallussinermik aallartiffigisinnaasassinnik pilersaarusioritsi. Kikkut qaqugukkut sussappat?
Eqimattanik sammisaqartitsineq attaveqarnermik aallussinermik aallartinnissaa pilersaarusioruk.
Ass.: inuusuttunik pingasunik imminnut iluarinngippasittoqarpoq. Ataasinngornermi inuusuttullu ataatsimoorneq aallartikkutsigu, tamaasa qanoq innersut sumullu tiguartisimanersut oqaluttuartissallugit 2 minutsimik tunillugit aallartissaagut, inuusuttullu taakku pingasut pingaartumik eqqumaffigalugit, taamaasilluta kingorna ataasiakkaarlugit oqaloqatigisinnaassavagut.
Periarfissaq alla:
Meeqqamik inuusuttumilluunniit imaluunniit sammisaqarnermik aalajangersimasumik toqqaagitsi, tassani eqqummaffiginiaqqissaassavarsi
- tikikkuminartuunissaq,
- sunnertiassuseq,
- meeqqatut inuusuttutulluunniit misiginnginnissaq, aamma
- eqqarsaatit misigissutsillu pillugit oqaloqatigiinneq.
Ass.: Nunu 14-inik ukiulik peqataanngitsorujussuuvoq tunniutiinnajalluni aliasuppasillunilu. Immaqa kammalaataasa eqimattaminni ilaatinngilaat, atuarfimmi suliassani naammassisinnaanngilai, imaluunniit anaanaa imertaleqqissimavoq – naluarput.
Suliaqarnernut arlalinnut ilaatissavarput, oqaluutiutaa nikallungasoq takusinnaallugu. Aamma sulisumik aalajangersimasumik paarsisulissavarput kisimeeqatigisinnaasaanik, qanoq inneranik tusarnaarsinnaasumik, tusarnaarnissaanut piareersimalluta takutillugu. Immaqa siullermik iluatsissanngilaq, kisianni attavigisaqattaaginnassavarput.
Soqutiginninnissinnut qujanaq, immikkoortullu tulliata aallartinnissaanut sulinissinni iluatsitsilluarisi!