Ataatsimiinneq 4/10

Qupperneq 7/7: Sunilinissamut pilersaarut: Tullianik ataatsimeeqqinnissaq sioqqullugu suliarerusutavut

Sunilinissamut pilersaarut: Tullianik ataatsimeeqqinnissaq sioqqullugu suliarerusutavut

Ulluinnarni tigussaasumik suliassassi qanoq sulissutiginissaat eqqarsaatigisiuk. Meeqqat angerlarsimaffimmi tigussaasumik suliassanut ilaatikkiartorneranni pissusilersoqatigiinneq oqaloqatigiinnerlu qanoq pilersinniarpisigit?

Ulluinnarni ingerlatassat nutaamik aaqqissornerisigut attuumassuteqarfigisanut sulissutiginninneq qanoq ingerlassinnaanerissi eqqarsaatigisiuk:

“Imaassinnaavoq sulinera agguataartariaqariga, taamaasillunga piffissap ilaani ulapittarlunga, taamaasineranilu pissarsiariuminaattarlunga – taava ullup ingerlanerani allanik piffissaqarpoq, tassani meeqqamut takutissivara qanoq pissarsiariuminartigisunga maluginiarnissaanullu piareersimallunga. Taava uanga meeqqallu nalussanngilaat qaqugukkut inersimasut suliassaannik ulapputeqarnersunga, qaqugukkullu meeqqamut piareersimalluinnarlunga saaffigineqarsinnaanerlunga.

Video-mi uani takusinnaavarsi isumassuisuusup suliaqartitsiutigaluni atassuteqarneq aallukkaa.

Tullianik ataatsimiinnissatta tungaanut sunik suliaqarsinnaanissinnut siunnersuutaaluit aaku – ullumikkut oqaloqatigiissutigisatsinniit nammineq isumassarsiasi eqqarsaatisilu atorsigit:

Isumassuisoq nangermik taarsiinermini meeqqamut pissusilersuuteqaqateqanngitsoq pillugu video takuarsi, aamma isumassuisoq nangermik taarsiinermini meeqqamik oqaloqateqartuartoq pillugu video takullugu, taamaasilluni meeqqap pissusilersoqatigiinnermut akuunissaq ilikkassammagu.

Qanoq ilillusi meeqqamik oqaloqateqarsinnaavisi, peqatigisaanillu angerlarsimaffimmi tigussaasumik suliassanut peqataatilerlugu. Qanoq qaqugukkullu qanoq iliorniarnersi pillugu assersuutissarsioritsi.

Anaanamik, aallaqqaammut misigissutsiminik erseqqissumik takutitsisumik, aamma meeqqamut akissuteqarnissaminik ulapputeqartumik video takuarsi, kingorna kiinnersuutini allanngortinngilai. Qanoq ilillusi misigissutsit pitsaasut nipissinnik kiinnersuutissinnillu erseqqissumik takutissinnaavisigit, pissusilersoqatigiinnerlu tulleriinnilersortinneqalersillugu. Angerlarsimaffissinni qanoq iliorsinnaanissinnut assersuutissanik nassaarniaritsi.

Meerarsiarsi suliassanut pisussaaffinnullu peqataanissamut ilikkartinniaraangassiuk qanoq qisuariaateqartarpa? Meeraq misileeqqinnissamut naammaginartumik toqqissimalersinniarlugu qanoq ilillusi eqqissisimasinnaanerlusi naammagittarsinnaanerlusilu eqqarsaatiginialaarsiuk. Imaluunniit piumasaqaammut aalajangeriikkamut peqataajumanngippat?

Qanoq ilillusi meeraq pinnguarnermut, erinarsornermut, titartaanermut akuutilersinnaavisiuk – peqatigisaanillu qanoq eqqarsarnera misigisimaneralu meeqqamut oqaloqatigiissutigalugu?

Angerlarsimaffissinni qanoq iliorniarnissinnut allanik isumassarsiaqarussi, taava allassigit. Taava tullianik naapeqqinnissatsinni qanoq ingerlasimanera oqaloqatigiissutigissavarput. Iluatsitsisoqartinnagu amerlasoorpassuariarluni misiliisoqarajuttarpoq.

Qujanaq soqutiginnikkassi, aamma tullianik ataatsimiinnissatta tungaanut sulinissinnik iluatsitsilluarisi!

Siulia

Tullia