Immikkoortoq 5/8
Qupperneq 8/8: Sulinissamut pilersaarut: Immikkoortup tullia sioqqullugu sussaagut?Eqimattanik ineriartortitsinermut sulinissamut pilersaarut
Ilaatitsineq, Aqutsineq aamma Tatigeqatigiinneq pillugit sammisaqarnitsinni isumaliutersuutitit eqqarsaatitillu uterfigikkit.
Tullissaanut suliassannik sammisamik ataatsimik imaluunniit annerpaamik marlunnik toqqaagit:
- Kikkut tamarmik eqimattami ilaasutut misigitinnissaasa sulissutiginissaat pisariaqarnerpaava – tunuliaquttani ajornartorsiutit oqaloqatigiissutiginissai – peqataasut eqimattap taaguutissaanik ujaasitinneri – ilaasortaq nutaaq eqimattamut ilaatinnissaanut ikiorniarlugu meeraq inuusuttorluunniit akisussaaffilerlugu?
- Imaluunniit illit/ ilissi aqutsinermik ersarinnerusumik suliaqarniarpisi – ataatsimut malittarisassat eqquutsinneqartarnissaat – malittarisassanik unioqqutitsisarnerit naaperiaaffiginissaat – ataatsimut malittarisassanik isumaqatiginninniarnermi meeqqat inuusuttullu ilaatinnissaat?
- Meeqqat inuusuttullu suleqatigiinnut agguarusuppisigit suliassanut assigiinngitsunut akisussaaffilerlugit, tassani suleqatigiit tamarmik taaguummik oqaaseqartartumillu toqqaasillugit?
- Imaluunniit Tatigeqatigiinnermi sammisanik, ammanerusumik oqaloqatigiinneq, imaluunniit sammisanik sammisaqartitsineq.
Siunnersuutaannaapput – sammisani taakkunani pingasuni ataatsimik sulissuteqarnissassinnut nammineq isumassarsiaqarpisi?
- Aalajangerit allallugulu, qanoq qaqugulu naammassissanerlugit.
Immikkoortumut matumunnga soqutiginninnissinnut qujanaq.
Neriuppugut meeqqat inuusuttullu eqimattat toqqissisimanissaannut unammillernartumik sulinersi tapersersorsimassallugu, taamaasillutik suliassanut aallutarinnissinnaanerulissammata kiisalu suleqatigiinnissamut sungiusarniassammata.