Ataatsimiinneq 3/10

Attaveqarfigisanut pissusilersuutinut toqqissisimananngitsunut pingasuusunut assersuutit

Attaveqarfigisanut pissusilersuutinut toqqissisimanngitsunut pingasuusunut assersuutit maanna isiginiassavagut, assersuutinilu ataasiakkaani tamani qanoq ilisarineqarsinnaanersut meeqqamillu ulluinnarni pissusilersoqatigiittarnermi qanoq iliuuseqartoqarsinnaanersoq oqaluuseralugu.

Pissusilersuutinut periutsit ataasiakkaat tamarmik annerusumik minnerusumilluunniit sakkortussuseqarsinnaapput annertussuseqarlutilluunniit, taamaattumik meeraq ikittuinnarnik ilisarnaateqarsinnaavoq. Siusinnerusukkut isumassorneqarsimaneq qanoq annilaanganartigisimanersoq apeqqutaavoq.

Angajoqqaarsiatut itigartitaanermik kamannermilluunniit naapinneqarneq misigisarpaat, naak isumassuinermut pissusilersuutit toqqissimanartut atoraluarlugit. Matumani Bowlby-p oqaatigisaa suleriaaseq meeqqap qamani pigisaa atorluarneqarsinnaavoq: inersimasunut siusissukkut attaveqarnermini meeraq pissusilersoqatigiinnerit aallaavigalugit misigissutsikkut naatsorsuutigisaminik pilersitsisimavoq, taakku inooqataanermi pissusilersuutaanik aqutsisuupput. Misilittakkat siulliit pitsaanngissimappata, illillu isumassuinissamik siunertaqarnerit aallaavigalugu meeqqap naapissanngilaatit, siusinnerusukkulli meeqqap nalinginnaasumik naatsorsuutigisani aallaavigalugit naapissallutit – imaassinnaavoq sumiginnagaanermik, tunniusimannginnermik il.il. misigisaqarnermik akoqartut.

Assiliartap takutippaa isumassuisoq isumassuinermi pissusilersuutinik toqqissisimasunik atuisoq. Isumassuisup attaveqariaatsit sisamaasut naammattoorpai, tamanna isumaqarpoq meeraq inuusuttorluunniit siusinnerusukkut misilittakkani toqqissisimananngitsut, suleriaatsimi qamani pigilersimasaminiittut aallaavigalugit qisuariaateqartoq. Suleriaatsimik qamani pigisamik pitsaanerusumik meeqqami pilersitsiniarneq sivisoorujussuusinnaavoq, suleriaaserli qamani pigisaq paarsinerup nalaani misilittakkat pitsaasut uteqqittarnerisigut ineriartortinneqarsinnaavoq. Meeraq suleriaatsimik nutaamik qamani pigisaqalersinnaavoq: inersimasut isumassuisarnerat tatigineqarsinnaavoq!