Ataatsimiinneq 3/10
Qupperneq 8/8: Sulinissamut pilersaarut: Tullianik ataatsimiilersinnata qanoq iliorniarpisi?Sulinissamut pilersaarut: Tullianik ataatsimiilersinnata qanoq iliorniarpisi?
Sammisassanut siunnersuutit:
Toqqissisimanngitsumik attaveqarnermi nalinginnaasumik pissusilersoriaatsit ilisarnaataat pillugit allaaserisat atuariarsigit (pisariaqarpat video takoqqissiuk), tulliuttut eqqarsaatigisigit oqaluuseralugillu:
- Periuseq sorleq meeqqap paarisassi atorpasippaa. Tamanna paarsinerup aallartinnerani erseqqinnerusumik takuneqarsinnaasarpoq, imaluunniit ulluinnarni pisuni, meeraq toqqissisimajunnaartillugu, killitsisimatillugu annilaangatilluguluunniit.
- Paarsinerup ingerlanerani meeqqap inuusuttulluunniit attaveqarfigisanut periusaa allannguuteqarsimava? Assersuutigalugu upperinninnginnermut imaluunniit arlaannit ikiorneqarniarnerminik tatiginninnginnermut utertuussagunik, taava siusinnerusukkumut naleqqiullugu annertunerusumik artukkigaasimassappat? Imminnut attuumassuteqarfigisatillu pillugit pitsaasumik isiginninnerminnik oqaaseqakulaneruppat? Qanoq siusitsigisukkut meeqqat paarisarilerpavut (tamanna meeqqap toqqissisimasumik attaveqarnermut ineriartornerata qanoq ajornanngitsitsigisinnaaneranut aamma sunniuteqarpoq)?
Meeqqat paarisasi qanoq sullinniarnerlugit, ulluinnarni pisuni sapersaateqarfigisaanni qanoq naapinniarnerlugit tamassi ataasiakkaarlusi pilersaarusiorsiuk. Ulluinnarni pisuni qanoq pitsaanerpaamik naapissinnaanerlugit isumaqatigiissutigisiuk. ”Meeqqat inuusuttulluunniit imatut imatulluunniit oqarpata imaluunniit iliuuseqarpata, qanoq qisuariaateqassaagut? Meeqqat atasiakkaat sullinneranni ataatsimiinnermit matumanit kaammattuutit qanoq malissinnaavagut?”
Meeqqat inuusuttullu attaveqarfigisanut pissusilersuutaasa sulissutigineranni sunik aalajangigaqarsimanerlusi allassiuk.
- Tamanna tullianik ataatsimiinnissap tungaanut ulluinnarisassinni qanoq sulissutigissanerlugu oqaluuserisiuk.
- Uagut angajoqqaatut paarsisartut suut allatut suliarisinnaavagut maluginiarnerullugillu?
- Qanoq ililluta paasissavarput iluatsitsisimanerluta?
Angerlarsimaffissinni suut allatut iliuuseqarfigisimanerlugit allattussallugu eqqaamasiuk, aamma meeqqanik isumassueriaasersi pillugu meeqqat qanoq qisuariaateqarnersut allassiuk.
Qujanaq soqutiginnikkassi aamma tullianik ataatsimiinnissatta tungaanut suliassinnik iluatsitsilluarisi!
“Hans arfinilinnik ukioqarluni uatsinni paarisaalerpoq. Qatanngutisiani malersugariuarpai, uanga saassuttarlunga illumilu pigisanik aserorterisarluni. Toqqissisimasumik aallaaveqalersinnissaa sulissutigileqqaarakku, pissusilersuutaanullu tunuliaqutaasoq isummerfigisalerlugu, allanngoriartulerpoq. Maanna aqqaneq marlunnik ukioqarpoq ilaanneeriarlungalu misigisinnaasarpara suli ersissuteqartoq misilerartarlungalu, kukkunissara utaqqiinnartarpaa. Taamaattumik annertuumik maluginiartuarpara inussiarnerfigalugulu, aalajangikkakka attatiinnartarpakka, nalunanngitsunillu malitassaqartillugu, qanorlu pisoqarnissaanik piareersartarlugu.”
– Anaanarsiap oqaaseqaatai