Immikkoortoq 3/8
Qupperneq 3/9: Meeqqani attaveqartariaaseq aamma isumassuisut pissusilersuutaatMeeqqani attaveqartariaaseq aamma isumassuisut pissusilersuutaat
Attaveqarnermi pissusilersuut toqqissisimanartoq
Ukiuni siullerni marlunni pitsaasumik isumassorneqarnissaq kingusinnerusukkut inoqatinut attaveqarnermi aamma inuunermi qanoq ingerlanermut aalajangiisuupput:
Isumassuisoq toqqissisimanartumik tunngavissiippat, meeraaraq attaveqarnermi pissusilersuummik takutitsissaaq isumassuisorlu ingerlappat aliasulerluni. Isumassuisumulli tatiginnikkami sivisunngitsumik. Erniinnaq meeraq paarngulissaaq, pinnguarnermullu misigisassarsiornermullu piffissarujussuaq atulissallugu. Toqqissisimasumik tunngaveqarneq inuunerup ilaani ilikkagaqarnissamut pinnguarnissamullu annertuumik imminut tatiginermik kajumissutsimillu pilersitsissaaq.
Meeqqat angajulliunerulaat inuusuttullu namminersorusunnerusarput kiisalu imminerminnut allanullu pitsaasumik isiginnittariaaseqarlutik, pisariaqarpallu ikiortissarsiortassallutik. Meeqqanut allanut kiisalu isumassuisunut pitsaasunik atassuteqarusupput, kikkunnullu qanittumik atassuteqarusunnerlutik toqqassallugu.
Allat qanoq eqqarsarnerat kiisalu pisumi qanoq misiginerat malugisinnaassavaat, tulluartumillu akisinnaassallutik (misiginneqataaneq aamma inooqataanermut piginnaasat). Suliassanut nutaanut sapiissuseqarput.
Toqqissisimanngitsumik attaveqarnermi pissusilersorneq
Toqqissisimasup saniatigut attaveqartariaatsit allat assigiinngitsut pingasuupput, taakkunani isumassuisuusimasunut qajannartumik atassuteqarnermik ersersitsisuullutik. Attaveqariaatsit taakku qanimut misissornerini, meeqqat akisussaaffigisasi eqqarsaatigeriarsigit. Taakku misissuataareerutsigit oqallisigissavarput, meeqqat taakku akisussaaffigisasi atassuteqarfigigaangassigit qisuariartarnersut, qanorlu siunissaq ungasinnerusoq eqqarsaatigalugu atassuteqarnissamut toqqissisimalersinnissaannut sulissuteqartoqarsinnaanersoq.