Session 3/8
Side 9/9: Arbejdsplan: Hvad skal vi gøre inden næste session?Sulinissamut pilersaarut: Immikoortup tullia sioqqullugu qanoq iliussaagut?
Ataatsimoorlusi apeqqutit eqikkaasut tulliuttut eqqartorsigit:
- Qanoq attaveqarnermi pissusilersuut niguisoq (akuersaanngitsoq) ilisarineqarsinnaava?
- Meeqqat niguisumik pissusilersuutillit sullinnerani qanoq qisuariartarsinnaavugut?
- Qanoq attaveqarnermi pissusilersuut allanngorartoq ilisarineqarsinnaava?
- Meeqqat allanngorartumik pissusilersuutillit sullinnerani qanoq qisuariartarsinnaavugut?
- Qanoq attaveqarnermi pissusilersuut innarlernikoq ilisarineqarsinnaava?
- Innarlernikutut pissusilersuutillit sullinnerani qanoq qisuariartarsinnaavugut?
Allanngorartumik pissusilersuutilimmik meeraateqarnikuuvunga, meeqqanut allanut malersuikkajuttumik, uannut saassussisartumik, pigisatsinnillu aserorterisartumik. Immikkoortumi matumani ilikkakkakka atorlugit allanngoriartuaarnikuuvoq. Ilaatigut misigisarpunga suli annilaangasoq misilittartaraangalu, kukkunissaralu utaqqiinnartarlugu. Taamaattumik inussiarnernissaq, aalajangikkanik attassinissaq kiisalu ajornanngitsunnguanik sinaakkusiinissaq piumasaqarnissarlu sunullu tamanut pisinnaasunut piareersartinnissaa eqqumaffigisorujussuusarpakka.”
Sulisup oqaaseqaataa
EQIMATTAKKAARLUNI OQALLINNEQ
20 minutsit
Meeqqa inuusuttullu pingasut ulluinnarni atassuteqarfigisat makkuninnga takutitsisut nassuiakkit:
- Niguisumik pissusilersortoq
- Allanngorartumik pissusilersortoq
- Innarlernikutut pissusilersortoq
Taama ittunik pissusilersortunik naapitsigaagassi ilissi sulisutut qisuariaatisi oqallisigisigit. Qaqugukkut toqqissisimanngitsumik toqqissisimasumillu qisuariarnissaq ajornakusoortarpa, meeraq misilittaagaangat, attaveqarnaveersaaraangat, il.il.?r
SULINISSAMUT PILERSAARUT: IMMIKKOORTUP TULLIATA PINNGINNERANI SULIASSAT
Sammisassanut siunnersuutit:
Meeqqat/ inuusuttut ataaseq marlulluunniit sulissutigissallugit toqqarsigit.
Toqqakkasi qanoq sulissutigissanerlugit pilersaarusioritsi, ulluinnarni pisuni taakkununnga ajornakusoorfiusuni naapissigit, isumaqatigiillusilu pisuni nalinginnaasuni qanoq iliuuseqarfigineqartassanersut. ”Meeqqat imaluunniit inuusuttut ima oqarpata imaluunniit iliorpata qanoq qisuariassaagut? Immikkoortumit matumanit meeqqanut ataasiakkaanut innersuussuutit qanoq malissinnaavagut?”
-
- Attaveqarnermi pissusilersuutaat qanoq iliuuseqarfiginiarnerat pillugu aalajangikkasi allassigit.
- Oqallisigisiuk, immikkoortup tulliata pinnginnerani ulluinnarni sulinissinni tamanna qanoq sulissutigisinnaanerlugu.
- Sulinitsinni uagut sulisutut suna allanngortissinnaavarput eqqumaffiginerusinnaavarpullu?
- Qanoq nalunngilarput uatsinnut iluatsittoq?
- Kina suleriaatsip nutaap, kiisalu suut allanngortinnerigut suullu iluaqutaanersut allannissaanut akisussaasuua?
Soqutiginninnissinnut qujanaq immikkoortullu tulliata aallartinnissaanut sulinissinni iluatsitsilluarisi!