Immikkoortoq 3/8

Toqqissisimanngitsumik niguisumik attaveqarnermi pissusilersuutit

Meeqqap mikisup isumassuisussaq tikinneqarsinnaarpianngitsutut, inussiarniittutut, immikkoortitsisutut piumasaqaateqartutullu meeqqamullu pingaartumik tunniusimarpianngitsutut misigippagu, meeqqap isumassuisumut inunnullu allanut pingaarutilinnut niguisumik pissuseqalersinnaanera periarfissaavoq. Meeraq immaqa ’inersimasuaraaniassaaq’ imaluunniit ’nammineq imminut angajoqqaariniassalluni’.

• Inoorlaapsukkasuumik ilikkartarpaa pisariaqartitami imaluunniit misigissutsimi takutinnginnissai, pisariaqartitsinerli tassaniiginnartarpoq uippallertitsisarlunilu.
  • Pinngussanik sammisassanilluunniit allanik tiguarteqqasorujussuussaaq isumassuisorlu uteqqippat attaviginiarsarissanagu. Meeqqap isumassuineq soqutigineq ajorpaa.
• Meeqqat anneritinuusuttullu ikiorneqarnissamut imaluunniit isumassorneqarnissamut qinnuiginninneq ajorput, massa pisariaqartikkaluarlugu.
  • Misigissutsitik aqunniarsarissavaat ersarissumillu takutissanagu qanoq misiginerlutik.
  • Ineriartornerminni siusippallaamik ajornartorsiutitik nammineq aaqqinniarsarissavaat.
  • Eqqaamannissinnaanermut kiisalu pisunik alianartunik imaluunniit artornartunik oqaluuserinnissinnaanermut ajornartorsiussapput – assersuutigalugu avissaarnermut annaasaqarnermulluunniit.
  • Nammineerusussuseqarput misigissutsinillu takutitsinissaq eqqartuinissarlu ingalassimaniartarpaat.
  • Misigittaatsutut, uippakajaartutut, misigissutsikkullu soqutigittaatsutut makku oqaatigisinnaavaat: ”Uanga susassarinngilara”, ”Inersimasut tatigineqarsinnaanngillat.”, il.il. Ileqqorikkajuppaat ”nammineerniarneq”.
  • Kisimiittutut aliasuttutullu isiginarsinnaassapput, oqaluusererusunnaguli.

Meeqqat niguisumik pissusilersuutillit annaasaqarnerit, avissaarnerit sakkortuut aamma isumassorneqannginnerit, sukujunnut allanut saasarlutik anigorniarsarisarpaat, (assersuutigalugu videospillimik imaluunniit sammisamik aalajangersimasumik tiguarteqqaneq) toqqissisimanermillu misigissuseq anguniaraangamikku, inunnit isumassorneqarnissamut taarsiullugu.

Meeqqat niguisumik pissusilersuutillit isumassorneqarnissamik annertuumik pisariaqartitsisarput, kisianni misigissutsip taassuma naqisimanissaa ilinniarnikuuaat, isumassuisortik siulleq piumasaqartuummat, misigitsaattuummat tikikkuminaattuummallu. Allatut oqaatigalugu, isumassorneqarnissamut pisariaqartitaat ukiuni siullerni isumassuisussamit pingaarnermit naammattumik eqquutsinneqarsimanngilaq – attaveqarnermi pissusilersuutaannut ersarissumik kissalaartumillu qisuariartoqartarsimanngilaq.  Tamanna isumaqarpoq ”nillertutut” paasinerlunneqartarnerat ulluinnarnilu sulinermi puigorneqartarnerat, isumassuisumut nammineq malugeqquneq ikioqqunerluunniit ajornertik pissutigalugu – siusippallaamik ilikkarsimavaat nammineerlutik imminnut isumagisussaanertik.

Tamanna isumaqarpoq annertuunik ajornartorsiuteqarsinnaanerinnik, ass. kialuunniit qanoq misiginerat eqqarsarnerallu ilisimanngikkaa imminut toqoriaraluarnerannik kinguneqartitsisumik.

Meeqqanut inuusuttunullu inooqatinut ajornasaartunut atatillugu pissusilersuutsisi pingaaruteqarput:

• “Meeraq imaluunniit inuusuttoq oqaloqatigisiuk tapersersorlugulu pisariaqartitsinermik pisariaqartitsinnginnermilluunniit takutitsippat – oqaloqatigiinnermik pilersitsiniaritsi, meeqqap ujartunngikkaluarpaguluunniit imaluunniit kisimiikkusunnerugaluarpalluunniit.”
• Takutiguk tikitassaajuaannarlusi kiisalu meeqqamik/ inuusuttumik oqaloqatiginninnissamut soqutiginninnermik takutitsinissamut piareersimajuaannartusi.
• Nammineq misigissutsisi takutissigit meeqqallu qanoq misigineranik eqqarsaatisi ’nutsersigit’, namminerlu oqaatsissinnik oqaatigalugit. Ass. ”Nå, orlugavit? Annernarsimassaqaaq. Qaagit eqqannut ingigit”.
• Inussiarnersumik kimigiiserit utaqqisinnaassuseqarlutillu – meeqqap pisariaqartippaatit, pisariaqartitamili takutinnissai ersigaa.
• Toqqaannanngitsumik attaveqarneq atoruk: meeqqamut niguisumik pissusilersuutilimmut ajornakusoorsinnaasorujussuuvoq namminermut tunngasunik eqqartuinissaq, arlalitsigulli pequtinik soqutigisaqarsinnaavoq pilerigisaqarsinnaallunilu. Ass. titartakkamut imaluunniit filmimi inummut saatissinnaavat, inuillu taakku qanoq misiginerinik ajornartorsiutaannillu meeraq oqaloqatigalugu. Meeqqap/ inuusuttup imminut oqaluuserinissaq ajornannginnerutissavaa ”sammisakkut imaluunniit inukkut allakkut”, illit soqutiginninnermik takutitsivigisatsigut. Tamatuma kingorna inuusuttoq aperineqarsinnaavoq assingusumik misigisaqarsimanersoq.
• Aamma klassemi sammisamik imaluunniit eqimattakkaarluni sammisaqarnermik kinaassusersiunngitsumik suliarisinnaasamik sanasoqarsinnaavoq, ass.: “Inuusuttut skolehjemimi aallartittut suna artorsaatigisarpaat?”, “Angajoqqaanit, ilinniartitsisunit perorsaasunillu suut naatsorsuutigineqartarpat?”, “Inersimasunit kammalaatiniillu ikiorneqarnissaq suup ajornarsisittarpaa?”