Ikiganiro cya 14 kuri 19 biteganyijwe

Ihindurwa ryo kuva mu bwana ujya mu bukure ni igihe habaho impinduka yimbitse ku mubiri, mu mitekerereze ndetse no mu marangamutima. Ivuburwa ry’imisemburo ryihuse rituma ubwenge n’umubiri bikura mu myaka mike, umwana agahinduka ingimbi, nawe akaba ashobora kubyara. Iri hindurwa ryo kuva mu bwana ujya mu bukure ryitwa ubugimbi. Mu bujyanye nimitekerereze ndetse n’imibanire nabandi, ingimbi zigenda zitandukanya gahoro gahoro nababarera, bakiga kwiyubakira ubuzima bwabo bwite, ndetse bakamenyana n’abandi bantu bashyashya. Abarezi bakwiye gushaka uburyo bita ku ngimbi kandi bakabarinda; ibi bakabikora babubaha, banabafasha kumenya kuyobora ubuzima bwabo bwite. Ni igihe kigoye ku mpande zombi. 

Mu gihe cyubugimbi, Kugira itsinda ry’urungano wisangamo bifite icyo bivuze cyane kuruta imibanire n’umuryango, ndetse nibyo asaba ku ishuri birahinduka. Ingimbi zishobora gukomeza gushaka ubwigenge ibi biba byaraje mu gihe cyubugimbi. Muri iki gihe kandi baba bagikeneye kwitabwaho nababyeyi ndetse no kubereka inzira. Kiba ari igihe kibagoye, aho babona impinduka ku mubiri ndetse bakagira n’ibyiyumviro bidasanzwe. Ababyeyi nabo bakwiriye gushaka ubundi buryo bita ku bana babo, bakanabafasha muri iki gihe abana babo bahinduka bakaba abantu bakuru. Ku ngimbi nyinshi, iki gihe bashobora kumva ko ari nkumusozi munini udashoboka ko bawurenga.
Ku barezi, nabo ni igihe cyigihirahiro gikomeye:

Nkumumama wakiriye umwana, ni igihirahiro gikomeye kuri njye, natakaje icyubahiro n’ icyizere umukobwa wanjye ndera Christine yahoze angirira mbere. Ubu ntago ashaka kunyumva na gato, ahora anshakaho amakosa, asigaye agenda ntambwire igihe azagarukira. Ndashaka kumuha ubwisanzure akabaho uko abyifuza. Kurundi ruhande, mba mbona ko atabona neza ingaruka zose zimukikije, kandi ntanubwo akuze bihagije ku buryo yabyumva neza ndetse ngo yirinde.

Igihe cy’ubugimbi kivuze ko uburyo ababyeyi bareramo bukwiye kuva mu gutanga amategeko bikajya mu biganiro, guhana abitekerezo, n’ubwumvikane ku mategeko yo kwisanzura. Ku ngimbi, igihe bamarana n’inshuti ndetse n’abanyeshuri bigana kiba ari ingenzi kuruta igihe bamarana n’umuryango. Ni ngombwa kumva ibi no kubyakira. Ni ikiciro karemano mu ihindurwa rijya mu bwigenge, kwisanisha nubuzima rusange ndetse no kuyobora buri kimwe. Rero, umurezi akwiye kuba umujyanama cyangwa se umwunganizi: umuntu ushobora kumutega amatwi, akamubwira imbogamizi ahura nazo mu mibanire ye n’inshuti ze muri icyo gihe cy’ubugimbi. Ntago buri gihe ariko uzamuha igisubizo, kubera nikiganiro ubwacyo, no kumwumva ni ubufasha bukomeye – rimwe rimwe hari igihe usanga aribwo bufasha bwonyine yari akeneye. Urugero, umugabo umwe dore uko yibuka ababyeyi bamureraga (malayika murinzi): Uko nabaga ndi mu gihirahiro kose, cyangwa uko nabaga nafunze umutwe kose, buri gihe nabaga nshobora kubabwira icyo aricyo cyose – bantegaga amatwi ntibambwire nabi. Ikintu kingenzi cyane nuko abarezi berekana ubugwaneza, umutuzo, no kwereka umuntu ko bari kumwumva, noneho ibyemezo ndetse n’amategeko agenga urugo abarezi n’ingimbi bakabyumvikanaho.

Gusimbuza gucunga kubaka imibanire myiza nawe

Inzira nziza yingenzi mu gufasha umwana mu ihindurwa ryo kuva mu bwana ni ukubaka imibanire myiza ihamye hagati yawe nawe. Ubushakashatsi bwerekana ko ingimbi zifitanye imibanire ihamye nababarera bishora mu mitwarire mibi ku rwego ruto cyane, bagira ibibazo bike by’ubuzima bwo mu mutwe, ndetse bamenya kubana neza nabandi kadi bakamenya guhangana nibibazo bitandukanye byubuzima. Ikindi kandi ingimbi zigira umwanya wo kuganira nabarezi babo byimbitse ntago bakunze kwishora mu biyobyabwenge ndetse no mu ngeso z’ubusambanyi.

Iyo umubyeyi aba hafi y’umwana kandi akamwumva mu gihe cyibazo bituma imibanire yagati y’ingimbi n’umurezi iba myiza cyane. Ingimbi ntago ikenera kumwiyegereza cyane nkumwana muto Kugira ngo yumve atekanye. Ubufasha bw`umubyeyi no kumuha umwanya bakaganira nicyo cyingenzi ku ngimbi. Mukomeze muhane amakuru ubundi umuhe umwanya. Ibuka kumuha umwanya cyane mu igihe agukeneye kandi umutere akanyabugabo ko guhangana no kwikemurira ibibazo byoroheje. Ibi bizamufasha kuzahangana nibibazo mu buzima bwahazaza.