ክፍለ ጊዜ 4/21

• ህጻኑ እንዳይረበሽ እንክብካቤ ሰጪው መለያየትን ለህጻኑ ቀስ በቀስ ያስተምራል።

ለምሳሌ እንክብካቤ ሰጪው ህጻኑን ያስተኛ እና ይሄዳል፤ ከዚያ ህጻኑ ሲያለቅስ እንክብካቤ ሰጪው ተመልሶ መጥቶ ያባብለዋል። ቀጥሎ ያለው ጊዜ ላይ ተለያይቶ የሚቆይበት ጊዜ ትንሽ ረዘም ይላል፤ እንደዚያ እንደዚያ እያለ ይቀጥላል። መጨረሻ ላይ እናቱ ስትሄድ ህጻኑ አይፈራም። ድንገት ተነስታ ከሄደች ወይም ህጻኑን ተቆጥታው ከሄደች ህጻኑ ዝም ብሎ ያለቅሳል እንዲሁም መልሶ መላልሶ ይረበሻል።

• በተጨማሪም እንክብካቤ ሲጪዋ ከእይታው ስትርቅ እንዲያስታውሳት ህጻኑን ታስተምራለች።

ለምሳሌ እንክብካቤ ሰጪዋ “አየሁህ!” ወይም ድብብቆሽ ከህጻኑ ጋር ልትጫወት ትችላለች። እንክብካቤ ሰጪዋ በጨዋታ መልኩ ከበር ጀርባ ለአጭር ሠዓት ከተደበቀች በኋላ ህጻኑ በጣም ሳይፈራ በፊት ተመልሳ ትመጣለች። በዚህ መንገድ ህጻኑ “እኔ ላያት በማልችልበት ጊዜም አለች” የሚለውን ይማራል። ይህም እንክብካቤ ሰጪዋ በማትኖርበት ጊዜም እንኳን ህጸኑን የደህንነት ስሜት እንዲሰማው ይረዳዋል።
የአደራ ቤተሰብ እንክብካቤ ሰጪ እንደመሆናችሁ መጠን ከህጻኑ ጋር በመሆን እነዚህን ተረጋግቶ ከሰው ጋር መለያየትን ማስተማሪያ ሁለት መንገዶች መለማመድ ትችላላችሁ።