ክፍለ ጊዜ 16/21

ንያማ-ንያማ-ንያማ፡-

የተሰበሰቡት ልጆች አንድ መሪ ይመርጣሉ። መሪውም “ንያማ-ንያማ-ንያማ” ብሎ በመጮህ ጨዋታውን ያስጀምራል፤ ይህም በስዋሂሊ ቋንቋ “ስጋ” ማለት ነው። ሌሎቹ ተጫዋቾች ዘለው መሪው ያለውን ይደግማሉ። ከዚያም መሪው የተለያዩ እንስሳትን ስም ይጠራል። የእንስሳው ስጋ ኬንያ ውስጥ (ወይም ጨዋታውን የምትጨወቱበት ሀገር ውስጥ) የሚበላ ከሆነ ሌሎቹ ተጫዋቾች ዘለው “ንያማ” ብለው ይጮሀሉ። መሪው ስጋው የማይበላ እንስሳ ስም ከጠራ ተጫዋቾቹ ሳይንቀሳቀሱ ባሉበት መቆም አለባቸው። አንድ ተጫዋች እንቅስቃሴ ካሳየ ከጨዋታው ይወጣል። አንድ ተጫዋች ብቻ ቀርቶ አሸናፊ እስከሚሆን ድረስ ጨዋታው ይቀጥላል።

የተሰበሰበው ሰው በጨዋታው ቦታ ዙሪያ ድንበር ያሰምራል። ሁሉም ተጫዋች በጨዋታው ወቅት ከመስመሩ ውስጥ መቆም አለበት። አንድ ተጫዋች ማምባ እንዲሆን ይመረጣል። ማምባው እየተሯሯጠ ሌሎቹን ተጫዋቾች ለመያዝ ይሞክራል። አንድ ተጫዋች ሲያዝ የማምባውን ትከሻ ወይም ወገብ በመያዝ ከማምባው ጋር ይቀላቀላል። ሌሎች ተጫዋቾችን መያዝ የሚችለው የመጀመሪያው ማምባ ተጫዋች ብቻ ነው። ከማምባው ጋር የተያያዙት ተጫዋቾች ሌሎች ተጫዋቾች እንዳያልፉ በማድረግ ማገዝ ይችላሉ። አንድ ተጫዋች ብቻ ቀርቶ አሸናፊ እስኪሆን ድረስ ጨዋታው ይቀጥላል።

የተሰበሰቡት ልጆች አንድ መሪ ይመርጡ እና ህጻናቱ ፊታቸውን ወደ መሪው መልሰው ግማሽ ክብ ሰርተው ይቆማሉ። መሪው ግማሽ ክብ ሰርተው ከቆሙት ልጆች ውስጥ መጀመሪያ ላይ ወዳለው አንድ ተጫዋች ፊቱን መልሶ ይቆማል። ሁለታቸውም አጨብጭበው ይዘላሉ። አንደኛውን እግራቸውን ወደፊት አድርገው እንደገና ይዘላሉ። ሁለታቸውም ወደፊት ያደረጉት ተመሳሳይ እግራቸውን ከሆነ መሪው ይወጣ እና ከተጫዋቹ ጋር ቦታ ይቀያየራል። ከዚያም አዲሱ መሪ ግማሽ ክብ ሰርተው ከቆሙት ልጆች ውስጥ ቀጥሎ ካለው ተጫዋች ጋር ያንኑ ደግሞ ያደርጋል።

ወደፊት ያደረጉት የተለያዩ እግሮቻቸውን ከሆነ መሪው ቦታው ላይ ይቆይ እና ወደሚቀጥለው ተጫዋች ይሄዳል። 

ተጫዋቾቹ ክብ ሰርተው ይቀመጡ እና መሀላቸው ላይ ጠጠር (ትናንሽ ድንጋይ) በጎድጓዳ ዕቃ ይቀመጣል። የመጀመሪያው ተጫዋች አንድ ጠጠር አየር ላይ ይወረውራል። ከዚያ ይኸው ተጫዋች የወረወረውን ጠጠር መልሶ ከመቅለቡ በፊት በተቻለው መጠን ብዙ ጠጠሮችን ለማንሳት ይሞክራል። ከዚያም የሚቀጥለው ተጫዋች ተራ ይሆናል። ብዙ ጠጠር የለቀመው ተጫዋች አሸናፊ ይሆናል።