ክፍለ ጊዜ 5/21

”ህጻን ልጅ ነበረኝ። ሁል ጊዜ ራሱን ይነቀንቅ እና የእጁን ጀርባ ይልስ ነበር። ከዚህ ቀደም እንደዚያ ዓይነት ህጻናት አይቼ ስለማውቅ የአእምሮ ዝግመት አለበት የሚል ሀሳብ አቅርቤ ነበር። በዚህ ክፍለ ጊዜ ውስጥ የተማርኳቸውን ዘዴዎች በዚህ ልጅ ላይ ይበልጥ አዘውትሬ እንዲሁም አብዝቼ ተጠቀምኩኝ። አሁን በሥነ ሥርዓት የሚቀመጥ ከመሆኑም በተጨማሪ እጁን አይልስም እንዲሁም አይወዛወዝም። አንዳንድ ጊዜ ግን ጥፍሩን ይበላል። ነገር ግን ይህንንም ችግር እወጣዋለሁ።”

ከተንከባካቢ የተሰጠ አስተያየት

• አንድ አልጋ በበርካታ መንገዶች ሊሻሻል ይችላል፡- በአንሶላ ፋንታ የቆዳ መነቃቃትን የሚፈጥሩ ጨርቆችን እና የመጠቅለያ ጨርቆችን በመጠቀም (አልጋው ከመጠን በላይ የማይሞቅ መሆኑን አረጋግጡ)። በተጨማሪም ልክ ከፍራሹ በላይ እንዲውል እና በነጻነት እንዲወዛወዝ አድርጋችሁ ጨርቅ ሰፍታችሁ በሁለቱ የአልጋው መደገፊያዎች ላይ ልትወጥሩ ትችላላችሁ። ወይም ደግሞ አልጋውን ሙሉ በሙሉ ትታችሁ መሬት ላይ ከተቀመጠ ለስላሳ ፍራሽ በላይ ጨርቅ መወጠር ትችላላችሁ። በተጨማሪም ህጻኑ እንቅልፍ ላይ በማይሆንበት ሠዓት በዙሪያው የሚደረገውን ነገር ማየት እንዲችል አልጋዎች ላይ ለውጦችን ማድረግ ይቻላል።
  ድክ ድክ ለሚሉ ህጻናት ክፍል ውስጥ ወይም ግቢ ውስጥ ፍራሽ አድርጋችሁ ከላዩ ጨርቅ ወይም መንዠዋዠዊያ ልትወጥሩላቸው ትችላላችሁ እንዲሁም የህጻናቱን ሚዛን የሚያነቃቁ የዕለት ተዕለት ተግባራትን ልታቅዱ ትችላላችሁ።
  ይህን በምታቅዱበት ጊዜ፡- እነዚህ መገልገያዎች የተለዩ ክፍሎች ውስጥ መቀመጥ እንደሌለባቸው አስታውሱ። እንደዚያ ካደረጋችሁ ህጻናቱ ብዙም አይጠቀሟቸውም። በተቻለ መጠን መቀመጥ ያለባቸው እንክብካቤ ሰጪዎቹ ጊዜያቸውን ወደሚያሳልፉበት ቦታ ተጠግተው ነው። ለመጫወቻ ስፍራው እንደ ዥዋዥዌ፣ መሽከርከሪያ እና ሌሎች ሚዛንን የሚያነቃቁ መሳሪያዎች ያሉ ነገሮችን መሥራት ወይም ማግኘት የምትችሉት እንዴት ነው?

• ከአልጋው በላይ (እንደ ሞባይል ያሉ) መሳጭ ነገሮችን ማንጠልጠል ወይም ደግሞ ህጻናቱ አልጋቸው ላይ ሆነው ከእንቅልፋቸው ሲነቁ ማየት የሚችሏቸው ነገሮችን ማግኘት የምትችሉት እንዴት ነው?
• ግድግዳዎችን ብሩህ እና የተለያዩ ቀለሞች ልትቀቧቸው እና ዕቃዎችን እና ስዕሎችን ልትሰቅሉባቸው የምትችሉት እንዴት ነው?
• ራሳችሁ የምታዘጋጇቸውን መዝሙሮች እና ሙዚቃ መጠቀም የምትችሉት እንዴት ነው? ለህጻናት መዝሙር መዘመር እና ከልጆች ጋር አብሮ መዘመር ለቋንቋ ዕድገት አስፈላጊ ነው። ህጻናትን ለማስተኛት የሚዘመሩ መዝሙሮች የህጻናትን አንጎል በጣም ዘና ያደርጋሉ። እንደ ማንኪያ፣ ማስታጠቢያ፣ ወዘተ ያሉ ከሞላ ጎደል ማናቸውንም ነገሮች እንደ ከበሮ መጠቀም ይቻላል።