ርዕስ ሀ፡- ከኤስ ኦ ኤስ መንደር ለመውጣት እራሳችንን ማዘጋጀት

ህጻናት ደህንነት የሚሰማቸው እንክብካቤ ሰጪዎቻቸው ደህንነት ሲሰማቸው ብቻ ነው

በእንክብካቤ ውስጥ ያሉ ህጻናት እና ታዳጊዎች የዕለት ተዕለት እንክበካቤ ሰጪዎቻቸው የሚሰሟቸው ስሜቶች በቀላሉ ተጽዕኖ ያሳድሩባቸዋል። እንክብካቤ ሰጪዎቻቸው ፍርሀቶች ካሉባቸው እና ለወደፊት ስለሚመጣው ለውጥ አብዝተው የሚጨነቁ ከሆነ በስራቸው ያሉት ህጻናት አስተማማኝ መሰረት የሆነ ተንከባካቢ አለኝ የሚለውን ስሜት ሊያጡት ይችላሉ። በመሆኑም ህጻናቱ እንደ መነታረክ፣ ያለመታዘዝ፣ ማዘን ወይም እንክብካቤ ሰጪው ላይ እምነት እንደማጣት ያሉ አስተማማኝ ያልሆነ ግንኙነት ባህሪያትን በማሳየት ምላሽ ይሰጣሉ። ጥርጣሬዎቹ እና ችግሮቹ በሙሉ ውይይት ተደርጎባቸው ካልተፈቱ በስተቀር አንድ እንክብካቤ ሰጪ በህይወቱ እና በስራው ላይ ከፍተኛ ለውጥ በሚያጋጥመው ጊዜ የተረጋጋ ለመምሰል አይችልም። ይህን ማድረግ የምንችለው እንዴት ነው?

ሁላችንም ለለውጥ ምላሽ የምንሰጥበት መንገድ የተለያየ ነው

ከኤስ ኦ ኤስ መንደር ስለመውጣት ስናስብ ፍርሀት እንዲሁም የደስታ ስሜት አንድ ላይ ቢሰማን ተፈጥሮአዊ ነው። በቦትስዋና የሚገኙ የኤስ ኦ ኤስ አሳዳጊዎች የሰጧቸው ሁለት ምላሾች እንደሚከተለው ቀርበዋል።

እናት ለ፡- “በጣም የእረፍት ስሜት ነው የተሰማኝ፤ የአደራ እናት እንደመሆኔ መጠን አሁን የራሴን ውሳኔዎች መወሰን እችላለሁ እንዲሁም ከዚህ በኋላ ከማህበረሰቡ ተለይቼ አልኖርም። እርግጥ ነው መንደሩ ውስጥ ያሉ ጓደኞቼ በሙሉ ይናፍቁኛል። ነገር ግን አዲስ የግንኙነት መረብ መዘርጋት እችላለሁ እንዲሁም ሞያዊ ክህሎቶቼን በማጋራበት ወቅት ጎረቤቶቼ ተጠቃሚ ሊሆኑ ይችላሉ። ዘመዶቼም አሁን በፈለግኩት ጊዜ መጥተው ሊጠይቁኝ ይችላሉ። ሁል ጊዜም አነስተኛ ንግድ የመጀመር ህልም ነበረኝ ስለዚህ አሁን ምን አልባት ላደርገው እችል ይሆናል። ልጆቼም አዳዲስ ጓደኞችን ለማፍራት በጣም ይጓጓሉ እንዲሁም በማህበረሰቡ ውስጥ ካሉ ሌሎች ህጻናት ጋር ሁሉ አንድ ዓይነት እንደሆኑ ይሰማቸዋል።”

ህጻናቱን ከማረጋጋታችን በፊት ለህጻናቱ ዜናውን ከመንገራችን አስቀድመን የእውነት የተረጋጋን፣ ተስፋ የሚሰማን እና ስሜትን ማገናዘብ የምንችል መሆን አለብን።

የአስተማማኝ እንክብካቤ ሰጪ ቡድን መመስረት

ይህ ቡድን በሂደቱ ወቅት እራሳችሁን በደንብ ለማላመድ እንድትችሉ ጭንቀቶቻችሁን፣ ተስፋዎቻችሁን እና ዕቅዶቻችሁን በነጻነት ማጋራት የምትችሉበትን መድረክ የሚፈጥር ነው። ይህ ቡድን በማህበረሰቡ ውስጥ የኤስ ኦ ኤስ አሳዳጊዎች ሆናችሁ በደንብ እስከምትደላደሉ ድረስ እስከ መጨረሻው መደበኛ የሆኑ ስብሰባዎች ይኖሩታል። ስብሰባዎቹ በአካባቢ የመልሶ መቀላቀል ቡድናችሁ ወይም የፌርስታርት አስተማሪ (Fairstart Instructor) ትምህርት በወሰደ አንድ ሠራተኛ ሊመራ ይችላል። በቡድኑ ውስጥ የሚገለጹ ነገሮች በሚስጥር መያዝ ይኖርባቸዋል። ለመጀመሪያ ስብሰባችሁ የሚሆን የአጀንዳ ሀሳብ እንደሚከተለው ቀርቧል፡-

የሥራ ዕቅድ ርዕስ ሀ

እያንዳንዷ እናት ለሚቀጥለው ስብሰባ ለመዘጋጀት የግል የሥራ ዕቅድ ልታዘጋጅ ትችላለች፡-

ከኤስ ኦ ኤስ መንደር ስለመውጣት በቂ መረጃ ያለኝ፣ የተረጋጋሁ እና የተዘጋጀሁ እንደሆንኩ እንዲሰማኝ በቡድኑ ውስጥ ውይይት ላደርግባቸው እና ላጠራቸው የሚገቡ ጥያቄዎች ምንድን ናቸው?

የሥራ ዕቅዶችን ካዘጋጃችሁ በኋላ እባካችሁ በርእስ ለ ዙሪያ ቀጣዩን የቡድን ስብሰባችሁን ለማድረግ ፕሮግራም ያዙ።