ክፍለ ጊዜ 10/21

ይህ የኤስ ኦ ኤስን የወላጆች ስልጠና ከወሰደው ከጋሉስ ጋር የተደረገ ቃለ መጠይቅ ነው። ጋሉስ በአሥራዎቹ ዕድሜ ውስጥ ያሉ ልጆችን ስለማሳደግ ያወራል እንዲሁም እንደ አባት ያሉበትን ኃላፊነቶች የተለያዩ ገጽታዎች በአጽንዖት ይገልጻል።

በጣም ውስጣቸው ለተረበሸ የአደራ ቤተሰብ ልጆች በምን መልኩ መስተጋብር ማድረግ እንዳለባቸው ለመማር ከተለመደው በላይ ረዘም ያለ ጊዜ ሊወስድባቸው ይችላል።

አንድ የሚፈልገውን ነገር በጣም የተነፈገን ህጻን አንድ ዓመት ተኩል ዕድሜ ላይ እያለ ከተቀበሉ የአደራ ቤተሰቦች ጋር የተደረገ አንድ ቃለ መጠይቅ እንደሚከተለው እንደምሳሌ ቀርቧል፡-

“እኛ ስንቀበለው ከሞላ ጎደል መንቀሳቀሰስ አይችልም ነበር፣ መናገር አልለመደም ነበር፣ እንዲሁም ገና ጡጦ ብቻ ነበር የሚጠባው። የራሳችን ልጆች አዲስ ታናሽ ወንድም ይኖረናል ብለው በጉጉት ሲጠብቁት ነበር፤ ነገር ግን ምላሽ ሊሰጣቸው አልቻለም ነበር። ሊነኩት ወይም ሊደባብሱት ሲሞክሩ መጮህ ይጀምር ነበር ወይም ሊቧጭራቸው ይሞክር ነበር። በቂ ማነቃቂያ ያላገኘ መሆኑን እና የአደራ ቤተሰብ ወላጆች እንደመሆናችን መጠን መጀመሪያ ለረጅም ጊዜ በእሱ ላይ መሥራት እንደነበረብን ልጆቻችን የተረዱት ረጅም ጊዜ ቆይተው ነበር።አብዛኛውን ጊዜ ማነቃቂያ እናደርግለት ስለነበር በጣም በፍጥነት ዕድገት ማሳየት ጀምሮ ነበር፤ ነገር ግን ዕድሜው እየጨመረ ሲመጣ እንዴት መስተጋብር ማድረግ እንዳለበት እንደማያውቅ ግልጽ ነበር፡- በጣም በኃይል የተሞላ፣ ኃይለኛ እና ሁል ጊዜም ቀዥቃዣ ነበር። ከአንድ ደቂቃ በላይ በአንድ ውይይት ወይም እንቅስቃሴ ላይ መቆየት አይችልም ነበር። አብዛኛውን ጊዜ እየሰራ የነበረውን ነገር ጥሎ ይሄድ ነበር ወይም ውይይት ላይ እያሉ ሌሎች ሰዎችን ያቋርጥ ነበር። ይፈራ እና ይጨነቅ ስለነበረ አብዛኛውን ጊዜ ሌሎች ሰዎችን ለመቆጣጠር እና ሁኔታውን በቁጥጥሩ ሥር ለማዋል ይሞክር ነበር። ልጆቻችን ከእሱ አምስት እና ስድስት ዓመት በዕድሜ ይበልጡ ስለነበር ድክ ድክ የሚል ህጻን የመመገቢያ ጠረጴዛው ዙሪያ ያሉትን ሰዎች ለመቆጣጠር እችላለሁ ብሎ ማሰቡ እና የሚፈልገውን ነገር ካላገኘ ዝም ብሎ መጮሁ በጣም ግራ ያጋባቸው ነበር። ስለዚህ በውይይት ወቅት እንዴት ተራውን መጠበቅ፣ ሌሎች ሰዎችን ማዳመጥ እና መልስ መስጠት እንዳለበት ለማስተማር ሙሉ ቤተሰቡ አብሮ መሥራት ነበረበት። በተጨማሪም የት መሄድ እንደሚችል እና እንደማይችል መገንዘብን እንዲማር ብዙ መመሪያ ያስፈልገው ነበር።አሁን ዘጠኝ ዓመቱ ነው ። ትምህርቱን ለመከታተል ችሏል፤ ነገር ግን በጣም ጠንካራ ስሜት ሲሰማው አሁንም የአራት ዓመት ልጅ ባህሪ ያሳያል። አሁን ሁሉንም የቤተሰቡን አባላት ያምናል፣ በአሥራዎቹ ዕድሜ ውስጥ የሚገኘውን ትልቁን ልጃችንን በጣም ይወደዋል እንዲሁም ከባድ ሁኔታዎች ውስጥ በሚሆንበት ጊዜ እርዳታ መጠየቅን ለምዷል። አስተማሪዎቹ በጣም ቻይ ቢሆኑም በጣም ጥብቅ ናቸው፤ ስለዚህ ከበፊቱ በላይ በጣም በፍጥነት በመማር ላይ ነው። እኛም እንደ ቤተሰብ በጣም አስጨናቂ የሆኑ የዕለት ተዕለት ሁኔታዎችን ማስተናገድን እና ግጭቶችን አንዴት መከላከል እንዳለብን ተምረናል። በሆነ መልኩ ይህ እኛን፣ የራሳችንን ልጆች እና ሌላኛውን የአደራ ቤተሰብ ልጃችንን አቀራርቦናል፤ ነገር ግን የመጀመሪያዎቹ ሁለት ዓመታት ለሁላችንም በጣም ከባድ ነበሩ።”