ክፍለ ጊዜ 15/21

• ሴሚናሮች እና ስብሰባዎች ላይ የኤስ ኦ ኤስ የህጻናት መንደር ሠራተኞች በአሥራዎቹ ዕድሜ ውስጥ ያሉ ልጆችን በተለያዩ የሥራ ቡድኖች መከፋፈል ይችላሉ። ከዚያም ከእንክብካቤ በኋላ በሚኖራቸው ህይወት ውስጥ ሊያጋጥሟቸው የሚችሉ ተግዳሮቶችን እና አጣብቂኞችን መግለጽ። እያንዳንዱ ቡድን አንድን ጉዳይ እንዲያጠና፣ እንዲወያይ እና ከዚያም ለታዳሚው መፍትሄዎችን እና የመቋቋሚያ ስትራቴጂዎችን እንዲያቀርብ መጠየቅ። ገለጻው ከቀረበ በኋላ ሠራተኞቹ አዳምጠው ግብረ መልስ ሊሰጡ ይችላሉ። በተጨማሪም በእንክብካቤ ውስጥ ያለፉ እና ልምድ ያላቸው ወጣቶች ግብረ መልስ እንዲሰጡ ሊጋበዙ ይችላሉ።
• በአካባቢው ማህበረሰብ ውስጥ ያሉ የዕደጥበብ ባለሞያዎች እና ሠራተኛ ሴቶች ሥራዎቻቸውን እና ክህሎቶቻቸውን እንዲያቀርቡ ሊጋበዙ ይችላሉ፤ ወይም አንድ የአደራ ቤተሰብ በአካባቢው ካለ የንግድ ባለቤት ጋር ሊገናኝ ይችላል። በአሥራዎቹ ዕድሜ ውስጥ ያሉ ልጆች በአካባቢው ባለ አንድ የሥራ ቦታ ለተወሰነ ጊዜ በመሥራት ከእንክብካቤ ከወጡ በኋላ የኑሮ ወጪአቸውን የሚሸፍኑበት ሥራ ሊሆናቸው እንደሚችል ማየት ይችላሉ።
• እንክብካቤ ካበቃ በኋላ በተለይ ወጣት ሴቶች የሚያጋጥማቸው አንደኛው አደጋ አብዛኛዎቹ ከእንክብካቤ ከወጡ በኋላ ብዙም ሳይቆዩ ያለአባት ልጃቸውን የሚያሳድጉ እናቶች መሆናቸው ነው። ስለ የግብረ ስጋ ግንኙነት እና የስነ ተዋልዶ ጤና እንዲሁም ጥንቃቄ ስለተሞላበት የግብረ ስጋ ግንኙነት ከወጣቶች ጋር ለምታደርጓቸው ውይይቶች መነሻ የሚሆኑ ሀሳቦችን ከሚከተለው ክፍለ ጊዜ ማግኘት ትችላላችሁ፡- (./1-1_sexual-behaviour-and-contraception/ )።

ራሱን የቻለ አዋቂ ወደመሆን የሚደረገውን ሽግግር በደስታ መቀበል

የቡድን ውይይት

10 ደቂቃ

• ልጆችን ከእንክብካቤ ከመውጣታቸው ረጅም ጊዜ አስቀድመን ስለሚኖሩት ስጋቶች በማሳወቅ ልናዘጋጃቸው እና በማህበረሰቡ ውስጥ ካሉ ሰዎች ጋር ልናገናኛቸው የምንችለው እንዴት ነው?

• ለራሳቸው የሚሰጡትን ግምት እና በአዲሱ ህይወታቸው የሚጠቅሙ አዋቂዎች መሆናቸውን በሚያጎለብት መልኩ ከእንክብካቤ ለሚወጡ ወጣቶች ፈንጠዚያ ማድረግ የምንችለው እንዴት ነው?

በህጻንነት፣ በአሥራዎቹ ዕድሜ እንዲሁም ወጣቱ አስተማማኝ መሠረቱን በሚሰናበትበት ወቅት ከእንክብካቤ እንዲወጣ በምን መልኩ ማዘጋጀት እንደሚቻል አጥንታችኋል። አሁን ደግሞ እንክብካቤ ካበቃ በኋላ ወደ ማህበረሰቡ መመለስን በምን መልኩ ማቀድ እንደሚቻል እንመለከታለን።